Boks • 03 Qazan, 2022

Qazaqstandyq boksshy Qanat Islamnyń qarsylasy anyqtaldy

66 ret kórsetildi

Orta salmaqtaǵy qazaqstandyq boksshy Qanat Islamnyń 7 qazan kúni Plant-Sıtıde (Florıda, AQSh) ótetin kezekti jekpe-jeginde qarsylasy ózgerdi, dep habarlaıdy Egemen.kz Sports.kz-ke silteme jasap.

Bastapqyda Qazaqstandyq boksshynyń qarsylasy Domınıkan Respýblıkasynyń ókili 32 jastaǵy Edvard Ýlloa Dıas edi.

BoxRec.com málimetinshe, onyń endigi qarsylasy 38 jastaǵy argentınalyq Haver Fransısko Montıel (34-17, 23 KO). Jekpe-jek segiz raýndqa josparlanǵan.

Qanat Islam úshin bul jekpe-jek 2022 jylǵy ekinshi jekpe-jek bolmaq. Aldyńǵy kezdesýde ol Djımmı Kellımen (26-3, 10 KO) WBO Global tıtýly úshin jekpe-jekte jeńiliske ushyrady.

Sońǵy jańalyqtar

Uqsas jańalyqtar