Hasan Dıab otohırýrgııamen shamamen 15 jyldan beri aınalysyp keledi.
«Búgin bizde 7 operasııa josparlanǵan, bul kohlearlyq ımplantasııanyń erekshe, kúrdeli jaǵdaılary. Sondyqtan osy sheberlik synyby uıymdastyryldy, oǵan ZOOM jáne YouTube arqyly 60 dáriger qatysty. Belgili bir anatomııalyq erekshelikteri bar jáne operasııa kezinde qıyndyqtar týyndaýy múmkin pasıentterge kohlearlyq ımplantasııaǵa basa nazar aýdaryldy. Tyńdaýshylar úshin kúrdeli otohırýrgııa operasııalarynyń barlyq kezeńderi kórsetiledi. Bul - lorhırýrgııadaǵy eń mańyzdy operasııalardyń biri. Biz estý qabiletin tolyǵymen qalpyna keltiremiz, estimeıtin bolyp týǵan nemese ómir boıy sańyraý bolyp qalǵan balalar qalypty áleýmettik ómirge oralady. Biz kohlearlyq ımplantpen de, basqa qurylǵylarmen de estý qabiletin qaıtaramyz. Mysaly, estý qabiletiniń buzylýynyń basqa túrlerinde, atap aıtqanda mıkrotııa, atrezııa jaǵdaıynda biz súıek ótkizgish apparatyn ornatamyz. Ol súıek bóligine ımplantasııalanady jáne týa bitken aýytqýlary bar balalarǵa jaqsy kómektesedi», dedi Hasan Dıab.
Mamannyń aıtýynsha, kohlearlyq ımplant jáne súıek ótkizgish apparat balalarǵa estý qabiletin tolyǵymen qalpyna keltirýge múmkindik beredi. Mundaı operasııalardyń sátti ótýi hırýrgtyń jumysyna tikeleı baılanysty.
Ol Otolarıngologııanyń ulttyq medısınalyq zertteý ortalyǵynda álemdegi eń iri otolarıngologııa ortalyqtary arasynda jylyna eń kóp - 500-ge jýyq kohlearlyq ımplantasııa jasalatynyn atap ótti.
«Bul - úlken san. Bizde ártúrli patologııalary bar naýqastarmen jumys tájirıbesi bar, bul ishki qulaqtyń damýynda aýytqýlary bar balalar, menıngıtten keıin estý qabiletinen aıyrylǵan balalar. Bizdiń bazada qoldanylatyn barlyq ádisterdi taratýǵa, basqa mekemelerdegi mamandardy osy operasııalardy júzege asyrýǵa jáne balalarǵa kómek alýǵa úıretýge tyrysamyz», dep atap ótti dáriger.
Kohlearlyq ımplantasııa operasııalary joǵary tehnologııalyq medısınalyq qyzmetter (JTMÝ) sanatyna jatady. Onyń quny - 6,6 mln teńge jáne MÁMS júıesi arqyly óndiriledi.
