«Ákimshilik quqyqbuzýshylyq týraly kodekstiń birqatar baptarymen sottyń sheshimi bolǵan jaǵdaıda menshikten aıyrý múmkindigi kózdelgen. Qazaqstan Respýblıkasynyń Konstıtýsııasyna sáıkes eshkim óz múlkinen aıyrylýy múmkin emes, tek sot sheshimi boıynsha. Qazirgi tańda zańsyz taksı retinde jumys istegeni úshin kólik quraldaryn konfıskasııalanǵany týraly birde-bir derek joq», dep jazylǵan komıtet taratqan aqparatta.
Sonymen qatar Memlekettik kirister komıteti taksı qyzmetin jeke kásipker retinde tirkeýsiz júzege asyrǵany úshin on bes AEK mólsherinde ákimshilik aıyppul qarastyrylǵanyn eskertedi.
«Jeke kásipkerlikti elektrondy úkimet portaly arqyly (e-lısenzırovanıe) nemese «E-Salyq Business» mobıldi qosymshasy, Kaspi jáne Halyk bankteriniń mobıldi qosymshalary arqyly tirkeýge bolady», dep jazylǵan habarlamada.
