– Jyl saıyn elimizde 13 myń jol-kólik oqıǵasy bolady. Onda 2 myńnan astam adam qaza taýyp, 18 myńnan astam adam jaraqat alýda. Jalpy 2019 jyldan beri, ásirese, pandemııa kezinde jol apaty dınamıkasy tómendedi. Biraq shekteýler men blok-beketter alynǵannan keıin bul kórsetkishter ósip jatyr, – dedi mınıstr.
Bıylǵy segiz aıda jol-kólik oqıǵasy – 14%-ǵa (8 307-den 9 429-ǵa deıin), qaza tapqandar – 18%-ǵa (1 258-den 1 478-ge deıin), jaraqat alǵandar – 13%-ǵa (10 947-den 12 394-ke deıin) kóbeıgen. Sondaı-aq Almaty qalasy, Almaty, Jambyl jáne Túrkistan oblystarynda jol apaty deńgeıi joǵary.
– Barlyq jol apattarynyń 56%-y, jaraqat alǵandardyń 55%-y jáne qaza tapqandardyń 41%–y dál osy óńirlerde tirkelgen, – dep atap ótti Marat Ahmetjanov.
