Qaýipti úılerdiń turǵyndary Elorda Damý baǵdarlamasy boıynsha kóshiriledi. Atalǵan baǵdarlama iske qosylǵan sátten bastap barlyǵy 4 myń 200 otbasy apatty úılerden kóshirildi.
«Birinshi kezeń 2013-2017 jyldar aralyǵynda ótti, onyń barysynda 228 apatty úı buzylyp, 3400-den astam otbasy jańa abattandyrylǵan turǵyn úıge qonystandy. 2018 jyldan 2022 jylǵa deıingi kezeńge eseptelgen ekinshi kezeńdi iske asyrý sheńberinde 1082 páter kóleminde 56 apatty úıdi kóshirý josparlanǵan. 2018 jyly 86 otbasyna 9 apatty úı, 2019 jyly 197 otbasyna 16 úı, 2020 jyly 209 páterge 5 úı, 2021 jyly 257 páterge 7 úı kóshirildi. Bul úılerdiń turǵyndary Abylaı han, Qarasaı batyr, Tilendıev jáne Qordaı dańǵyldaryndaǵy abattandyrylǵan jańa úılerge qonystandy. 2022 jylǵa 333 páterlik 18 apatty úıdi kóshirý josparlanǵan. Bul Jalyn, Katalın kóshelerindegi baraq úlgisindegi úıler, Qutpanov, Iаnýshkevıch, Seıfýllın, Barhytbel, Muhamedjanov kóshelerindegi eki qabatty úıler. Qala aýdandary ákimderiniń apparattarymen birlesip 2023-2027 jyldar aralyǵyndaǵy kezeńge arnalǵan eski turǵyn úıdi buzý jospary quryldy, oǵan 903 páterge 59 úı qosyldy», dedi spıker.
