Ahmet Baıtursynuly • 04 Qazan, 2022

Ahmet Baıtursynuly esimi Parıjde ulyqtaldy

120 ret kórsetildi

IýNESKO aıasynda toılanyp jatqan Ahmet Baıtursynulynyń 150 jyldyq mereıtoıyna oraı, Parıjde «Ahmet Baıtursynuly jáne renessanstyq órkenıet» taqyrybynda ǵylymı konferensııa ótti, dep habarlaıdy Egemen.kz.

Konferensııaǵa IýNESKO Bas dırektorynyń orynbasary Sın Sıýı, QR Ǵylym jáne joǵary bilim vıse-mınıstri T.I. Eshenqulov, IýNESKO janyndaǵy Qazaqstan Respýblıkasynyń Turaqty ókili, Qazaqstan Respýblıkasynyń Fransýz Respýblıkasyndaǵy jáne Monako Knıazdigindegi Tótenshe jáne О́kiletti Elshisi G.M. Arystanqulova, otandyq jáne sheteldik alashtanýshy, ahmettanýshy ǵalymdar qatysty.

Saltanatty jıynǵa arnalǵan QR Prezıdenti Q.K. Toqaevtyń quttyqtaý sózin  IýNESKO janyndaǵy Qazaqstan Respýblıkasynyń Turaqty ókili, Qazaqstan Respýblıkasynyń Fransýz Respýblıkasyndaǵy jáne Monako Knıazdigindegi Tótenshe jáne О́kiletti Elshisi G.M. Arystanqulova oqydy.

Memleket Basshysy quttyqtaý sózinde   «Ahmet Baıtursynulynyń «Qazirgi mádenıet áldebir ulttyń, ıa násildiń jasaǵan nársesi emes, búkil adamzattyń birlese jumsaǵan kúshi men daǵdylarynyń nátıjesi» degen sózi IýNESKO-nyń basty qaǵıdattarymen tyǵyz astasyp jatyr» dep atap ótti. 

Shara aıasynda Ahmet Batursynulynyń ómiri men qyzmetin sıpattaıtyn kórme uıymdastyrylyp, «Qazaq órkenıeti jáne Ahmet Baıtursynuly» atty beınerolık kórsetilgen.

Sharanyń sońynda qazaq, túrik, aǵylshyn jáne orys tilderinde jazylǵan «Ahmet Baıtursynuly. Tańdamaly shyǵarmalary» atty kitaptyń tusaýkeseri boldy.

 

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar