«О́nerkásiptiń damýy sózsiz ekologııaǵa úlken salmaq túsiredi. Pavlodar oblysyna eldegi shyǵaryndylardyń úshten biri keledi - bul shyǵyndylar jyl saıyn 700 myń tonnany quraıdy. Búkil eldiń ındýstrıaldy ósýiniń negizi bolyp sanalatyn aımaq turǵyndary týǵan ólkeniń qorshaǵan ortasynyń jaı-kúıine qatty alańdaıdy», dedi Prezıdent.
Bul rette Memleket basshysy elimiz 2060 jylǵa qaraı kómirtegi beıtaraptyǵyna qol jetkizý nıetin bildirgenin eske saldy.
«Ekologııalyq jaǵdaı - azamattardyń ómir súrý sapasynyń mańyzdy kórsetkishi. Sondyqtan óndiristik áleýetti kúsheıtý men ekologııany qorǵaý arasyndaǵy tepe-teńdikti saqtaý óte mańyzdy. Eske salsaq, Qazaqstan 2060 jylǵa qaraı kómirtegi beıtaraptyǵyna qol jetkizý nıetin bildirgen», dedi Qasym-Jomart Toqaev.
Prezıdent sondaı-aq óńirdi gazdandyrý máselesine de toqtalyp, Úkimetke tıisti tapsyrma júktedi.
«Taǵy bir mańyzdy másele – gazdandyrý. Úkimet óńirdi gazben qamtamasyz etý joldaryn basym tártippen ázirleýi qajet. Bul jasyl kún tártibin tolyqqandy iske asyrý jáne naqty ornyqty damý jolyndaǵy mańyzdy qadam bolady», dedi Memleket basshysy.
