Parlament • 06 Qazan, 2022

EAEO elderi men Iran arasyndaǵy saýda-sattyq týraly zań qabyldandy

33 ret kórsetildi

Senat Spıkeri Máýlen Áshimbaevtyń tóraǵalyǵymen Palata otyrysy ótti. Onda depýtattar eki zańdy qarap, qabyldady. Onyń biri EAEO elderi men Iran arasyndaǵy saýda-sattyqqa qatysty bolsa, ekinshisi Qazaqstannyń Jahandyq jasyl ósý ınstıtýtyn qurý týraly kelisimge qosylýyna baılanysty zań, dep habarlaıdy Egemen.kz.

«2018 jylǵy 17 mamyrdaǵy bir taraptan Eýrazııalyq ekonomıkalyq odaq pen oǵan múshe memleketter jáne ekinshi taraptan Iran Islam Respýblıkasy arasyndaǵy erkin saýda aımaǵyn qurýǵa alyp keletin ýaqytsha kelisimge hattamany ratıfıkasııalaý týraly» zań EAEO elderi men Iran arasyndaǵy saýda-ekonomıkalyq is-qımyldy qoldaýǵa baǵyttalǵan.

«Hattama Eýrazııalyq ekonomıkalyq odaqqa múshe memleketter men Iran Islam Respýblıkasy arasyndaǵy ekonomıkalyq qarym-qatynastardy nyǵaıtýǵa arnalǵan. Qabyldanǵan Zań Qazaqstan men Iran Islam Respýblıkasy arasyndaǵy taýar aınalymynyń ulǵaıýyna oń áserin tıgizedi dep senemiz», dedi Máýlen Áshimbaev.

«Jahandyq jasyl ósý ınstıtýtyn qurý týraly kelisimdi ratıfıkasııalaý týraly» zańda qarastyrylǵan normalar elimizdiń sarapshylary úshin Jahandyq jasyl ósý ınstıtýtynyń bilim bazasy qoljetimdi bolýyn qamtamasyz etedi. Sondaı-aq zań osy baǵytta jumys isteıtin halyqaralyq uıymdarmen jáne ınstıtýttarmen yntymaqtastyqty jandandyrýǵa arnalǵan ekonomıkalyq jasyl ósý modelin qurýǵa múmkindik beredi.

«Kelisim elimizde jasyl ekonomıka modelin engizý isin ilgeriletýdi kózdeıdi. Qabyldanǵan zań Jahandyq jasyl ósý ınstıtýtynyń seriktes elderimen ekologııalyq tehnologııalardy damytý salasynda tájirıbe almasýǵa jol ashady. Sol arqyly Qazaqstandy teńgerimdi jáne turaqty damytýǵa óz úlesin qosady dep senemiz», dedi Senat Tóraǵasy.

Sońǵy jańalyqtar

Berik Berkimbaev qyzmetinen bosatyldy

Qoǵam • Búgin, 16:45

Elimizdiń basym bóliginde qar jaýady

Aýa raıy • Búgin, 16:36

Almatyda eki avtobýs soqtyǵysty

Aımaqtar • Búgin, 11:33

KMG Kashagan B.V. bas dırektory taǵaıyndaldy

Taǵaıyndaý • Búgin, 10:41

Uqsas jańalyqtar