Taǵaıyndaý • 06 Qazan, 2022

Maǵjan Ilııasov Qazaqstannyń Ulybrıtanııadaǵy elshisi bolyp taǵaıyndaldy

37 ret kórsetildi

Memleket basshysynyń Jarlyǵymen Maǵjan Janbotauly Ilııasov Qazaqstan Respýblıkasynyń Ulybrıtanııa jáne Soltústik Irlandııa Qurama Koroldigindegi Tótenshe jáne О́kiletti Elshisi bolyp taǵaıyndaldy, ol Qazaqstan Respýblıkasynyń BUU janyndaǵy Turaqty ókili laýazymynan bosatyldy, dep habarlaıdy Egemen.kz.

Maǵjan Ilııasov 1974 jyly 26 tamyzda Almaty qalasynda týǵan. Qazaq memlekettik álem tilderi ýnıversıtetiniń Halyqaralyq qatynastar fakýltetin jáne Garvard ýnıversıtetiniń Dj. Kennedı atyndaǵy Memlekettik basqarý mektebiniń magıstratýrasyn bitirgen.

Dıplomatııalyq mansabyn 1996 jyly QR SIM Halyqaralyq uıymdar men halyqaralyq ekonomıkalyq qatynastar basqarmasynyń referenti retinde bastap, keıinnen attashe laýazymdynda jalǵastyrdy.

1998-1999 jyldary QR SIM-niń BUU jáne halyqaralyq ekonomıkalyq uıymdar basqarmasynyń úshinshi, ekinshi hatshysy qyzmetterin atqarǵan.

1999 jyldan 2003 jylǵa deıin QR Prezıdenti Ákimshiliginiń protokol qyzmetiniń konsýltanty bolyp jumys istedi.

Odan keıin 2003-2005 jyldary QR Prezıdenti Keńsesiniń Uıymdastyrý jáne qujattamalyq qamtamasyz etý tobynyń bas sarapshysy boldy.

2005-2012 jyldary QR Prezıdenti Ákimshiliginiń Syrtqy saıasat ortalyǵynda jumys istedi, onda bas sarapshydan Ortalyq meńgerýshisi laýazymyna deıin jetti.

2013-2016 jyldary QR Prezıdentiniń Keńesshisi - QR Prezıdenti Ákimshiligi Syrtqy saıasat ortalyǵynyń meńgerýshisi boldy.

2016-2020 jyldary Qazaqstannyń Nıderlandtaǵy Elshisi jáne Hımııalyq qarýǵa tyıym salý uıymyndaǵy QR turaqty ókili qosa atqarýshy boldy.

Qazaqstannyń Ulybrıtanııadaǵy elshisi bolyp taǵaıyndalǵanǵa deıin 2020 jyldan bastap Nıý-Iorkte Qazaqstannyń BUU janyndaǵy Turaqty ókili retinde jumys istedi.

Ol Tótenshe jáne О́kiletti elshi dıplomatııalyq dárejesine ıe.

Sońǵy jańalyqtar

Dollar baǵamy tómendedi

Qarjy • Búgin, 16:10

Túrkistan oblysynyń ákimi taǵaıyndaldy

Taǵaıyndaý • Búgin, 15:38

Qostanaı oblysynyń ákimi taǵaıyndaldy

Taǵaıyndaý • Búgin, 14:10

QHL: «Barys» «Traktordan» ozdy

Hokkeı • Búgin, 12:17

Tanymal veloshabandoz qaza tapty

Oqıǵa • Búgin, 11:38

Soltústik Qazaqstan oblysynyń ákimi aýysty

Taǵaıyndaý • Búgin, 11:09

Atyraý oblysynyń ákimi taǵaıyndaldy

Taǵaıyndaý • Búgin, 10:39

Aqtaýda kópqabatty úıden órt shyqty

Aımaqtar • Búgin, 09:25

Uqsas jańalyqtar