Qoǵam • 06 Qazan, 2022

Almatyda qarjy pıramıdasyn uıymdastyrǵandar sottaldy

42 ret kórsetildi

Almatyda qarjy pıramıdasynyń uıymdastyrýshylaryna qatysty sot úkimi shyqty, dep habarlaıdy Egemen.kz.

Almaty qalasy Bostandyq aýdanynyń №2 aýdandyq sotynda qarjy pıramıdasyn qurý faktisi boıynsha 9 sottalýshyǵa qatysty qylmystyq is qaraldy.

«Sot 2019 jyldyń sáýiri men 2020 jyldyń qarashasy aralyǵynda alaıaqtyq úshin eki ret sottalǵan Iа. esimdi azamatshanyń qarjy pıramıdasyn quryp, basqarǵanyn anyqtady. Budan ári ol kompanııaǵa taǵy 7 azamatty tartyp, olardyń atyna I jáne G jaýapkershiligi shekteýli seriktestikterin tirkedi. Joǵaryda atalǵan seriktestikter jańa salymshylardyń aqshalaı jarnalary esebinen buryn júgingen salymshylardy aqshalaı qarajatpen baıytý úshin qyzmet etti», delingen sot habarlamasynda.

Sottyń málimetinshe, sottalýshy qurǵan shema respýblıka aýmaǵynda tyıym salynǵan qarjy pıramıdasy bolǵan. Bul rette kúdikti Astana, Taraz, Aqtaý, Qaraǵandy jáne Semeı qalalarynda qurylymdyq bólimsheler qurdy, olar da jábirlenýshilerdi tartyp, oǵan tikeleı esep berdi.

«Jeńil paıda tabýdy qalap, ol basqa qatysýshylarmen birlesip, tabysy joǵary ınvestorlardy tarta otyryp, jarnamalyq kampanııalar júrgizdi. Ekonomıkalyq qyzmetke lısenzııasy joq JShS salymshylardy tartýmen aınalysyp, olarǵa valıýta naryǵynda oıdan shyǵarylǵan ınvestısııalyq operasııalardy usyndy. Osy shemamen 209 jábirlenýshige asa iri mólsherde - 931 672 mıllıon teńge shyǵyn keltirildi», delingen habarlamada.

Sot úkimimen 8 adam qarjy pıramıdasyn jáne olardyń qurylymdyq bólimshelerin qurýǵa jáne basqarýǵa, sondaı-aq qarjy pıramıdasynyń qyzmetine járdemdesýge kináli dep tanyldy.

«Sottalýshy Iа-ǵa kommersııalyq jáne qarjy uıymdarynyń basshylyǵymen baılanysty qyzmetpen aınalysý quqyǵynan 5 jylǵa aıyra otyryp, 9 jyl 6 aı bas bostandyǵynan aıyrý túrindegi jaza taǵaıyndaldy. Qalǵan sottalýshylarǵa 5 jyldan 6 jylǵa deıin bas bostandyǵynan aıyrý jazasy taǵaıyndaldy», dep túıindedi Almaty qalasy Bostandyq aýdanynyń № 2 aýdandyq sotynyń baspasóz qyzmeti.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar