Saıasat • 06 Qazan, 2022

Alashtyń aq joly ardaqtaldy

141 ret kórsetildi

El Prezıdenti Qasym-Jomart Toqaev Qaraǵandy oblysyna kelgen saparynda Álıhannyń 150 jyldyǵyn­da, Qarqaraly petısııasynyń 115 jyldyǵynda da qozǵalmaǵan Arqa jerindegi Alashtyń tarıhy týraly dáıekti oı aıtty.

Arqanyń tek materıaldyq baılyqty óndiretin ólke ǵana emes, rýhanı hám azattyq qozǵalysy­nyń besigi bolǵandyǵyn eldiń esine salyp ótti. Alashtyń ataqty úsh arysy – Álı­han, Jaqyp, Álimhandy aıtýy ar­qyly dıp­lomatııalyq turǵyda ózekti máse­lelerdi qozǵap, jergilikti bılikke Jol kartasyn syzyp berdi. Ony odan ári iske asyrý – jergilikti bıliktiń mindeti.

Alash zııalylarynyń izi qalǵan qasıetti Qarqaralynyń jolyna qatysty tapsyrmasy kóńilge zor qýanysh uıalatty. Barshaǵa málim, alda Qarqaralynyń 200 jyldyǵy kele jatyr. Alash zııalylary Qarqaralynyń qadirin-qasıetin saıa­sı bıliktiń eń bıik tuǵyry retinde túsingen. Prezıdent Álıhan Bókeıhan azattyq qozǵalysynyń kósemi bolsa, onyń qasynda júrgen, Konstıtýsııanyń ne ekenin HH ǵasyr basynda túsindirgen Jaqyp Aqbaevtyń róli, Alashtyń sońǵy tuıaǵy Álimhan Ermekovtiń ult tarıhyn­daǵy orny týraly konseptýaldy túr­de aıtty. Orystar Sankt-Peterbýrgti revolıýsııanyń besigi dep baǵalaıdy. Al biz osy kúnge deıin Qarqaraly azat­tyqtyń besigi dep baǵa bermedik. Bul Qarqaralynyń aldaǵy tarıhı mejelerinde aıtylady dep úmittenemin.

Qarqaraly – azattyǵymyzdyń bas qu­jatynda jazylǵan meken. Onyń ústine Álıhan oqyǵan, Ahmettiń mektebi bar rýhanı-mádenı ortalyq. Osynaý ortalyqta sapaly kúre joldyń joqtyǵyna Prezıdent nazar aýdardy. Endi Qarqaralyǵa jetkizer joldy jóndeý arqyly bul qasterli mekenniń mártebesi de kóterile túserine kúmán joq.

Al jergilikti bılik Qaraqaralymen ǵana shektelip qalmaı, odan ári Ahmet Baıtursynulynyń mektebi bar Aqterek jolyn da jóndeýdi jalǵastyrýǵa tıis.

Ult zııalylaryn uıystyrǵan, qazaqtyń naryq tarıhyn jańǵyrtqan Qarqaraly jolynyń jyldar boıy jóndelmeýi uıat. Muny da Prezıdent jergilikti bılikke naqty jetkizdi. Osy turǵydan kelgende alashtanýshy retinde Prezıdent tapsyrmasyna joǵary baǵa beremin.

Ekinshi másele – Ulytaý oblysyna baratyn 500 shaqyrym joldyń mańyz­dylyǵy. Qazaqtyń memlekettiginiń bas­taýy bolǵan, qazaq handarynyń basyn qosqan, memlekettiligimizdi saqtaýdaǵy uly jıyndar ótken Ulytaýdy Prezıdent jaqsy biledi. Sol sebepti Qaraǵandy –Jezqazǵan kúre jolyn jóndeý máse­lesin de qadap aıtty. О́ıtkeni qazaq­tyń tarıhy, Qanysh Sátbaevtyń esimi Jezqazǵanmen tyǵyz baılanysty. Iаǵnı bizde eki iri ortalyq bar. Biri – saıası ortalyq Qarqaraly, ekinshisi – ult uıasy Ulytaý. Bul ekeýinde de asa zor mánge ıe kúre jol.

Prezıdent óziniń osy saparynda óńir jurtshylyǵyna strategııalyq baǵ­darlamasyn anyq kórsetti. Saıası re­for­malardyń túpki kózdegeni Qazaq elin saqtaý ekendigin jetkizdi. Al ol úshin ne qajet? Eń aldymen, aımaqtardy damytý kerek. Osy oraıda Qaraǵandy oblysy da elimizdiń aımaqtardy jańasha damytý josparynyń bir baǵyty bolyp atalǵanyna qýanamyn.

Iá, oblys tek ındýstrıaldy ortalyq qana emes, zııaly qaýym shoǵyrlanǵan aımaq. О́ńirde ǵylymı ortalyq jáne elge jany ashıtyn qoǵam belsendileri bar óńir. Sondyqtan Prezıdent árbir iri ekonomıkalyq, áleýmettik máselelerdi shesherde Arqa jurtshylyǵymen aqyldasýdyń mańyz­dylyǵyna nazar aýdardy.

Prezıdenttiń bizdiń oblysqa kelýi óńi­ri­mizdiń barlyq jaǵynan damýyna kúshti ser­pilis beredi. Myqty óńirler ar­qyly elimizdiń alǵa damýynyń jańa baǵyt­tarynyń strategııalyq josparyn kór­setip berdi. Endi naqty jospardyń iske asýyna árqaısysymyz óz úlesimizdi qosa­ıyq!

 

Nursahan BEISENBEKOVA,

tarıh ǵylymdarynyń kandıdaty

 

Qaraǵandy oblysy

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar