Pikir • 07 Qazan, 2022

Qoǵamdyq qabyldaýdyń jumysy kúsheıtiledi

34 ret kórsetildi

Elordada Amanat partııasynyń kezekten tys XXIV sezi ótti. Aýqymdy ári mándi is-sharaǵa 1200-den astam adam qatysty. Kún tártibine sáıkes aldymen aldaǵy prezıdenttik saılaýǵa partııadan kandıdat usyný máselesi qaraldy.

Pikir almasyp, daýys berý rásimi­nen keıin sezge qatysýshylar biraýyzdan sheshim qabyldap, «Amanat» partııasy Qasym-Jomart Kemeluly Toqaevty prezıdenttikke kandıdat etip usyndy.

Partııa tóraǵasy Erlan Qoshanov óz sózinde atap ótkendeı, tabysty respýb­lıka qurýdy birge bastadyq. Son­dyqtan búginde «Amanat» par­tııasynyń mindeti – barsha qazaq­standyqty Prezıdenttiń ozyq reformalary tóńiregine toptastyrý.

Kún tártibindegi ekinshi máseleni talqylaý barysynda sezd delegattary biraýyzdan partııanyń jańa saıası tuǵyrnamasyn qabyldady. Bul qujat azamattardyń qajettiligine jaýap beredi. Sondaı-aq kún tártibinde tur­ǵan negizgi talaptarǵa saı keledi.

Pikirtalas barysynda men par­tııanyń negizgi ıdeologııalyq qujaty týraly óz oıymdy ortaǵa saldym. Bizdiń qoǵam demokratııalyq prın­sıpterge qurylyp, pikir alýan­dyǵy men sóz bostandyǵyn saqtaý kerek. Sonymen birge ulttyq aqparat­tyq keńistikti syrtqy jáne ishki qaýip­terden qorǵaý qajet. Bul usynys talqylaý barysynda qoldaý tapty.

Sonymen qatar saıası tuǵyrnama­da ózekti máseleler men olardy sheshý jol­dary kórsetilgen. Osy oraıda qo­ǵamdyq qabyldaýlardyń jumysyn mysalǵa keltire alamyz. Solardyń eńbegi arqyly bizdiń partııa fılıaly jergilikti turǵyndardyń máselelerinen únemi habardar. Ýákiletti organdarmen tyǵyz ózara is-qımyldyń nátıjesin­de máseleler jyldam sheshiledi. Bul turǵyda saıası tuǵyrnama qoǵamdyq qabyldaýlardyń jumysyn kúsheıtedi.

 

Ásem RAHMETOVA,

«Amanat» partııasy Soltústik Qazaqstan oblysy fılıalynyń atqarýshy hatshysy

Sońǵy jańalyqtar

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar