Pikir • 07 Qazan, 2022

Úmit sózi

113 ret kórsetildi

Prezıdent Qasym-Jomart Toqaev Pavlodar óńirine jasaǵan saparynda ákemiz, jazýshy, Memlekettik syılyqtyń laýreaty Ramazan Toqtarov týraly tamasha bir estelik aıtty. Memleket basshysynyń atalǵan esteliginen keıin erekshe tolqyp, bólek bir kúı keshkenimiz ras.

Dálirek aıtsaq, Memleket bas­shysy Pavlodardaǵy ákem oqyǵan Abaı atyndaǵy gımna­zııaǵa barǵan eken. Mektep ujy­my ázirlegen Ramazan Toqtarov týraly kórmeni tamashalaǵan Prezı­dent: «Ramazan Toqtarov­tyń bizdiń halqymyzǵa óte tanymal, kórnekti jazýshy ekeni kúmánsiz. Ony men bilýshi edim. О́ıtkeni marqum ákem kezinde Jazýshylar odaǵynda onymen birge, bir kabınette otyrdy. Ramazan Toqtarov bizdiń úıimizge kelip, ákemmen dámdes bolǵan. Ekeýi jaqsy aralasty, birge júrdi. Sondyqtan Ramazan Toq­tarovtyń shyǵarmashylyǵyn jaqsy bilemin. «Abaıdyń jum­­­baǵy» degen romanyn ol kis­i­­niń eńbekteriniń shyńy dep aıtý­­ǵa bolady. Ramazan Toq­tarov­­tyń jazý stıli kúrdeli emes, biraq biregeı dep aıtýǵa bola­­dy, óte erekshe. Rama­­zan Toqtarov – óte tanymal, asa qurmetti jazýshy. Biz bári­­miz ony maqtan tutamyz», dep es­­telik aıtypty. Sondaı-aq mek­tep oqýshylary Memleket bas­shysyna ákemniń «Ertis mu­hıt­qa quıady» degen kitabyn tartý etipti.

Bul biz úshin, Ramazan Toq­tarov­­tyń urpaqtary úshin zor már­te­be, maqtanysh. Sondyqtan ere­k­she esteligimen bólisken Mem­leket basshysyna, mártebeli meı­man­nyń nazaryna ákemiz týraly kórmeni usynǵan mektep ujymyna sheksiz alǵysymyzdy bildiremiz.

Ras, kezinde oqylymdy jazý­shy­­lardyń qatarynda bolǵan ákem­niń ómirden ótken soń nazardan tys qalyp qoıǵa­ny­na jú­re­gimiz aýyryp, alań­daý­shy edik. Perzenti bolǵan soń kitapt­ary qaıta basylyp, týyp-ósken topyraǵy – Pavlo­dar qa­lasynan bir kóshege aty berilse eken dep armandaıtyn­byz. Ne­sin jasyraıyq, Prezıdenttiń Rama­zan Toqtarov týraly aıtqan este­ligi bizge úlken úmit syılady. 

 

Baqyt RAMAZANQYZY

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar