Elorda • 07 Qazan, 2022

Astanada sońǵy jyldary 400-den astam kóshe jóndeldi

39 ret kórsetildi

Elorda ákimi Altaı Kólginov kólik jáne kóshe-jol jelisi salasyndaǵy sıfrlyq sheshimder, keshendi kólik shemasynyń tujyrymdamasy týraly aıtyp berdi, dep habarlaıdy Egemen.kz qala ákimdiginiń resmı saıtyna silteme jasap.

«Astanada zııatkerlik kólik júıesin paıdalaný esebinen kólik jyldamdyǵy 18% - ǵa ulǵaıdy, jol júrýdiń ortasha ýaqyty 20% - ǵa azaıdy. «Aqyldy» baǵdarshamdar keptelis kezinde ońtaıly jumys rejımin tańdaýǵa múmkindik beredi, osylaısha joldardaǵy qozǵalysty jeńildetedi. Qalada baǵdarsham nysandarynyń 40% - dan astamy zııatkerlik fýnksııalarmen jabdyqtalǵan. Kelesi kezeńde baǵdarsham nysandarynyń shamamen 80%-yn ITJ-men qamtýdy josparlap otyrmyz», dedi Altaı Kólginov.

Sondaı-aq buǵan deıin elordada Keshendi kólik shemasy (KKS) tujyrymdamasy bekitilgen bolatyn. Bul halyqtyń jyl saıynǵy ósýin jáne joldardaǵy trafıktiń ulǵaıýyn eskere otyryp, qalalyq kóliktiń 10 jáne odan da kóp jylǵa biryńǵaı tehnıkalyq kózqarasyn ázirleýge múmkindik beredi. KKS sondaı-aq, jańa avtomobıl kópirleriniń, kólik aıryqtarynyń sanyn ulǵaıtýdy, kóshelerdi keńeıtýdi, joldardy tesýdi, qoǵamdyq kólikti aıtarlyqtaı jańǵyrtýdy jáne t. b. kózdeıdi.

Osy jyldyń tamyz aıynda Uly dala dańǵylyndaǵy jańa kópir boıynsha qozǵalys ashyldy, Esil ózeni arqyly Táýelsizdik dańǵylynda taǵy bir kópir salý kelesi jyly aıaqtalady dep josparlanyp otyr. Sonymen qatar sońǵy jyldary 400-den astam kóshe jóndeldi, olardyń jartysy turǵyn alaptarynda.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar