Ardagerler arasynda kúrestiń ártúrli túrleri boıynsha álem birinshiliginde 60 elden kelgen sportshylar baq synaıdy. Olar A,B,C,D,E bólimderinde óner kórsetedi.
Álemdik deńgeıdegi jarystarǵa qatysqan 20 sportshynyń qatarynda úsh qazaqstandyq balýan bar.
Abaı Smaǵulov 88 kelige deıingi salmaq dárejesinde A dıvızıonynda ardagerler arasynda erkin kúresten álem chempıony ataǵyn jeńip aldy.
Grek-rım, erkin jáne áıelder kúresi federasııasynyń atqarýshy dırektory Amandyq Nursultannyń aıtýynsha, birinshi kezdesýde sportshy qyrǵyz balýanyn 4:3 esebimen jeńdi, ekinshi jáne úshinshi jekpe-jekte Latvııadan kelgen sportshymen ótken dodada Abaı Smaǵulov 5:1 esebimen basymdyq tanytyp, fınalǵa shyqty. Fınaldyq kezdesýde qazaqstandyq balýan úndistandyq qarsylasyn 7:5 esebimen jeńip, álem chempıony atandy.
Abaı Smaǵulovtyń jattyqtyrýshylary-Kýrýglıev Magomed jáne Ahmedhanov Roman.
Aıta ketsek, Bolgarııada ótip jatqan chempıonat 9 qazanda aıaqtalady.
