Sot júıesindegi sapalyq jańǵyrý

Aqtóbe oblystyq sotynda ústimizdegi jyldyń alǵashqy toqsanynda oblys sottarynyń atqarǵan jumysy jáne azamattyq sot óndirisine sýdıanyń qatysýymen bitimgershilik rásimderdi (sot medıasııasy) engizýdiń qanatqaqty jobasyn túsindirýge arnalǵan baspasóz máslıhaty ótkizildi. Onda oblystyq sottyń tóraǵasy Erlan Aıtjanov sot isteri boıynsha statıstıkalyq derekter men qaralǵan ister boıynsha jaza taǵaıyndaý, sotqa kóp túsetin ister sanaty, elektrondy sot isin júrgizý jóninde málimetti jarııalap, sot medıasııasy qanatqaqty jobasyn túsindirdi. Sodan keıin keńse basshysy Áset Mámbetovke sóz berdi. Ol óz kezeginde Joǵarǵy Sot arqyly iske qosylǵan ortalyqtandyrylǵan jergilikti sottardyń ınternet resýrsy boıynsha jańalyqtar – Sall-ortalyǵy, isterdiń qaralýy, sotqa barýdyń kartasy, Joǵarǵy Sotta ıgerilgen beıne-translıasııa, aldaǵy ýaqytta engiziletin onlaın qabyldaý boıynsha aqparat berip, halyqqa qyzmet kórsetýde sot júıesiniń birshama ilgerilegenin atap ótti. Osy kezeńde Aqtóbe oblysynyń sottarymen sot tóreligin júzege asyrý, sapasyn kóterý men sot isterin jedel qaraý, sondaı-aq, memlekettik jáne oryndaýshylyq tártipti kóterýge baǵyttalǵan birqatar keshendi sharalar júzege asyrylǵan. Sot isin elektrondy júrgizý boıynsha nasıhat jumystary da belsendi júrgizilip keledi eken. Oblys sottarynda 1010 talap-aryz elektrondyq nusqada qabyldanǵan. Sondaı-aq, kórsetilgen kezeńde oblys sottarynda 3585 sot májilisi ún-beıne jazba qurylǵysyn qoldaný arqyly ótkizilgen, 2013 jyldyń sáıkes kezeńinde bul kórsetkish 2531-di qurapty. Birinshi toqsanda oblys sottarymen taraptarǵa 2249 SMS habarlama joldansa, «Elektrondyq baqylaý júıesi» qanatqaqty jobasymen sottarǵa óz isteri boıynsha aqparat alý úshin barlyǵy parol alýǵa 28 azamat aryzben júgingen. О́tken kezeńde oblys sottarymen barlyǵy 585 qylmystyq is qaralǵan. Sottalǵandardyń basym kópshiligi urlyq, tonaýshylyq, buzaqylyq, densaýlyqqa qasaqana aýyr jáne ortasha aýyrlyqtaǵy zııan keltirgeni úshin jazalanǵan. Azamattyq is júrgizý óndirisinde turǵyn úı jáne otbasy daýlary basym, sonyń ishinde alıment óndirý boıynsha daýlar, sondaı-aq, nesıe máseleleri, salyq tólemderi boıynsha salyq organdarynyń talaptary, sharttyq mindettemeler jáne memlekettik satyp alý týraly daýlar barshylyq. Baspasóz máslıhatyna qatysqan buqa­ralyq aqparat quraldary ókilderiniń birqatar suraqtaryna naqty jaýap berildi. Satybaldy SÁÝIRBAI, «Egemen Qazaqstan». Aqtóbe oblysy.