Is-shara eń aldymen Batys Qazaqstan oblysy dızaınerler qaýymdastyǵy músheleriniń qolónerleri usynylǵan kórmeden bastaý aldy. Kórmege qazaqtyń ulttyq buıymdary, qoldan jasalǵan sómkeler, úı toqymalary, quraq kórpeler qoıyldy. Batys Qazaqstan oblysy dızaınerler qaýymdastyǵynyń tóraıymy Ásem Syrymovanyń jetekshiligimen qyz balanyń qartaıǵanǵa deıingi ómir kezeńderin qamtyp, qaı kezde qandaı oramal taǵý kerektigi shaǵyn qoıylymmen kórsetildi.
«Qoǵamdyq kelisim» KMM basshysy Medhat Qambetov pen oblystyq QHA Analar keńesiniń tóraıymy Shalqyma Qurmanalına óz sózderinde halqymyz úshin aq oramaldyń qadir-qasıeti men mańyzy asa joǵary bolǵanyna toqtalsa, oblystyq Isker áıelder keńesiniń tóraıymy Lıana Tursynova aq oramaldyń qundylyqtary haqynda sóz qozǵady. Sondaı-aq onyń qazaq halqynyń dástúrinde úlken ról atqaratyndyǵyn atap kórsetti.
Jalpy, aq tústi jaýlyqtyń qazaq mádenıetindegi, turmysy men tarıhyndaǵy fılosofııalyq maǵynasy – aq tús tazalyqtyń, izgiliktiń, amanatqa adaldyqtyń belgisi ekendigi jóninde keńinen áńgimelendi. Qazirgi kezde zamanaýı úlgide ádemi etip taǵý joldarynyń kóp ekendigi de tilge tıek etildi. Sońynda merekelik is-sharaǵa óz úlesterin qosqan Batys Qazaqstan oblysy dızaınerler qaýymdastyǵynyń múshelerine Alǵyshat tapsyryldy.
Rafhat HALELOV
ORAL
