«Qazaqstan keńes tóraǵasy retinde AО́SShK prosesin odan ári ilgeriletý boıynsha kúsh-jigerdi arttyrýǵa nıetti. Múshe memleketter kórsetken qoldaýdyń arqasynda bul aıtarlyqtaı nátıje kórsetti. О́tken jyly AО́SShK senim sharalarynyń katalogy qaıta qaraldy, oǵan epıdemıologııalyq qaýipsizdik, densaýlyq saqtaý jáne farmasevtıka, aqparattyq jáne kommýnıkasııalyq tehnologııalar qaýipsizdigi sııaqty yntymaqtastyqtyń jańa basym baǵyttary engizildi», dedi Prezıdent.
Jıyn barysynda Qasym-Jomart Toqaev AО́SShK danyshpandar keńesi qurylǵanyn habarlady.
«Biz keńesshi organ – AО́SShK danyshpandar keńesin qurdyq. Onyń quramyna baı tájirıbesi men bilimi bizdiń birlesken kúsh-jigerimizdi júzege asyrýǵa yqpal etetin kórnekti saıası jáne qoǵam qaıratkerleri kiredi», dep atap ótti Memleket basshysy.
Budan soń, Qazaqstan Prezıdenti AО́SShK qory qurylatynyn habarlady.
«AО́SShK taldaý ortalyqtarynyń forýmy tájirıbe men ıdeıalarmen almasý, birlesken zertteý jobalaryn iske asyrý úshin Azııanyń túkpir-túkpirinen kelgen sarapshylar men mamandar úshin ámbebap platforma retinde qyzmet etetin bolady. Bıyl Astanada AО́SShK Iskerlik keńesi men bıznes-forýmy, sondaı-aq AО́SShK Jastar keńesiniń besinshi otyrysy ótti. Búgin AО́SShK qory qurylady. Onyń maqsaty - erikti qarajat jınaý úshin arnaıy tetik qurý. Sondaı-aq baqylaýshylar men seriktesterdiń sany artyp keledi. AО́SShK baqylaýshysy retinde Túrikmenstan qosyldy. Eýrazııalyq ekonomıkalyq odaqpen jáne Ońtústik-Shyǵys Azııa memleketteri qaýymdastyǵymen yntymaqtastyq ornatý týraly sheshimder qabyldandy», dep túıindedi Qasym-Jomart Kemeluly.
