Qasym-Jomart Toqaev AО́SShK sammıtine qatysý úshin Astanaǵa arnaıy kelip, uıymdy odan ári ınstıtýsıonaldy turǵyda damytýǵa baǵyttalǵan elimizdiń bastamalaryn qoldaǵan Pákistannyń Úkimet basshysy Shahbaz Sharıfke rızashylyǵyn bildirdi.
Prezıdent Pákistandy Qazaqstannyń Ońtústik Azııadaǵy negizgi seriktesteriniń biri ekenin atap ótip, eki el arasyndaǵy saýda-ekonomıkalyq baılanystardyń damý qarqynyna kóńili tolatynyn jetkizdi.
Kezdesýde kólik, tranzıttik logıstıka jáne energetıka salalarynda yntymaqtastyq ornatýdyń perspektıvalary zerdelendi. Eki el arasyndaǵy tikeleı áýe qatynasyn jaqyn arada qalpyna keltirýge, sondaı-aq saýda-ekonomıkalyq, mádenı-gýmanıtarlyq jáne ǵylymı-tehnıkalyq yntymaqtastyq jónindegi úkimetaralyq komıssııanyń jumysyn jandandyrý mańyzdy ekenine nazar aýdaryldy.
Pákistan Premer-mınıstri Shahbaz Sharıf Qasym-Jomart Toqaevqa Pákistan Prezıdenti Arıf Alvıdiń sálemin jetkizip, memleketter arasyndaǵy qarym-qatynastardyń qarqyndy damyp kele jatqanyn atap ótti.
