Biz, Azııadaǵy ózara is-qımyl jáne senim sharalary keńesiniń (AО́SShK) múshe memleketteriniń memleket nemese úkimet basshylary Astanada AО́SShK prosesiniń 30 jyldyǵyna oraı 2022 jylǵy 12-13 qazanda jınalyp,
YNTYMAQTASTYǴYMYZDYŃ KELESI BAǴYTYN TО́MENDEGIDEI BELGILEÝGE ShEShIM QABYLDADYQ:
1. Osymen biz AО́SShK-ni tolyqqandy óńirlik halyqaralyq uıymǵa birtindep, kezeń-kezeńimen jáne konsensýsqa negizdelgen qaıta qurýdyń qurylymdy, ınklıýzıvti jáne ashyq kelissózder prosesin iske qosamyz;
2. AО́SShK-ni qaıta qurý úderisi kelesi negizgi maqsattardy kózdeıdi: bizdiń bolashaq yntymaqtastyǵymyzdyń jan-jaqty salalaryn aıqyndaý jáne yqpaldastyǵymyzdyń uıymdyq jáne ınstıtýsıonaldyq negizin nyǵaıtý;
3. Sondaı-aq, biz uıymymyzdy onyń múshe memleketteriniń serpindi, ádil, jan-jaqty jáne teńgerimdi ekonomıkalyq ósýine, baılanystaryna, áleýmettik jáne mádenı damýyna yqpal etýshi retinde qarastyramyz. Biz qaýipsiz jáne gúldengen óńirge qol jetkizý jolynda jıyrma birinshi ǵasyrdaǵy ortaq máselelerimizdiń birlesken sheshimderin izdestirý jáne BUU Jarǵysyna sáıkes daýlardy beıbit jolmen sheshýge umtylý úshin uıymymyzdyń bir bóligi retinde ujymdyq jumysymyzdy nyǵaıtamyz;
4. Bizdiń uıym nátıjelerge baǵyttalǵan jáne bizdiń óńirde konsensýsqa negizdelgen kópjaqty yntymaqtastyqty nyǵaıtý maqsatynda barlyq múshe memleketter úshin múddeli salalarda, sol maqsattar men qaǵıdattardy bólisetin basqa memlekettermen, uıymdarmen jáne forýmdarmen ózara is-qımyl jasaıdy jáne yntymaqtasady;
5. Transformasııa prosesiniń alǵashqy qadamy retinde mynadaı sheshimderdi qabyldadyq:
(1) memleket nemese úkimet basshylarynyń kezdesýi (Sammıt) jáne Syrtqy ister mınıstrleriniń kezdesýi (mınıstrler kezdesýi) budan bylaı tıisinshe memleket nemese úkimet basshylarynyń keńesi (Sammıt) jáne syrtqy ister mınıstrleriniń Keńesi (Mınıstrler Keńesi) dep atalady;
(2) AО́SShK Hatshylyǵynyń Atqarýshy dırektory budan bylaı Bas hatshy dep atalady;
(3) Hatshylyq múshe memleketterge tóraǵalyq arqyly tıisti basqarýshy organdardyń bekitilýine AО́SShK-niń tıisti qujattaryna túzetýler boıynsha usynystar engizedi;
6. Múshe memleketter transformasııalyq prosestiń elementterin (qashan jáne eger bul oryndy bolǵan jaǵdaıda), onyń ishinde múshelik krıterıılerin anyqtaıdy. Osy baǵytta naqty ilgeriletýdi qamtamasyz etý maqsatynda biz Bas hatshynyń qoldaýymen Tóraǵalyq etýdi jáne múshe memlekettermen tyǵyz úılestire otyryp, 2023 jyly múshe memleketterdiń qaraýy úshin transformasııa prosesin iske asyrýdyń qajetti sharalarynyń jol kartasyn qalyptastyrý jóninde usynystardy ázirleýdi suraımyz;
7. Biz AО́SShK damýynyń 30 jylynda qol jetkizgen eleýli jetistikterimen quttyqtaımyz jáne Tóraǵalyqtan Mınıstrler keńesi men Memleket jáne úkimet basshylary keńesiniń kelesi kezdesýlerine transformasııalyq prosestiń barysy týraly esep berýdi suraımyz.
