foto: QFF.
Almatylyq «Qaırat» pen qostanaılyq «Tobyl» arasyndaǵy match naǵyz tartysqa toly boldy. Jeńimpaz tek penaltı serııasynda anyqtaldy.
Oıynnyń 6-mınýtynda-aq «Tobyl» sapynan L. Gerra esep ashyp, komandasyn alǵa shyǵardy. Alaıda, «Qaırat» kóp uzamaı 20-mınýtta Mrynskıı tarazy basyn teńestirdi (1:1). 26-mınýta Qaırattyń jańa oıynshysy Oksanen komandasyn alǵa shyǵardy.
Ekinshi taımnyń sońyna deıin «Qaırat» basymdyqty ustap turǵanymen, 89-mınýtta «Tobyldyń» kapıtany Ashat Taǵybergen aıyp dobynan ádemi soqqysymen esepti teńestirip (2:2), oıyndy penaltı serııasyna ulastyrdy.
Penaltı serııasy kezinde qostanaılyq klýbtyń fýtbolshylary asqan dáldik tanytty. Penaltı serııasy 4:5 esebimen «Tobyldyń» paıdasyna aıaqtaldy.
Osylaısha, «Tobyl» fýtbol klýby 2026 jylǵy Qazaqstan Sýperkýbogynyń ıegeri atandy.
Qazaqstannyń Ulttyq fýtbol quramasynyń bapkerler shtaby anyqtaldy
