Bul joly da QQQ zertteýi táýelsiz sarapshylar, otandyq bank, saqtandyrý kompanııalary, brokerlik uıymdar qazynashylyq bólimsheler mamandarynyń pikirine negizdelip, jasalǵan. Tarqatyp aıtqanda, Vrent markaly munaıdyń baǵasy, AQSh dollarynyń qazaq teńgesine jáne reseılik rýblge qatysty quny, ınflıasııa, Ulttyq banktiń bazalyq mólsherlemesi esepke alynǵan.
Sarapshylar bul joly «26 qazanǵa belgilengen kezekti otyrysynda Ulttyq bank bazalyq mólsherlemege qatysy qandaı shara qoldanýy múmkin?» degen baǵytqa basymdyq berip otyr. Osyǵan deıin sarapshylardyń 50%-y bazalyq mólsherlemeniń kóterilýin kútse, 43%-y «búgingi deńgeıde qalady» dep esepteıdi, taǵy 7%-y «mólsherleme tómendeıdi» degen pikirge basymdyq beretini belgili bolǵan.
Sondaı-aq otandyq qarjygerler bıyl qarashanyń basynda AQSh dollarynyń qazaq teńgesine qatysty ortasha baǵamy $1–477,1 teńge deńgeıinde qalyptasýy múmkin ekenin aıtqan. Al kelesi jylǵy kórsetkish 496,4 teńge shamasynda turaqtaıdy dep kútilýde. Buǵan deınigi boljam 492 teńge bolatyn.
Al munaı baǵasy aldaǵy 12 aıda joǵary deńgeıde qala bermek.
«Munaıdyń baǵasy joǵary deńgeıde qalady degen boljamdar elimizdiń JIО́ dınamıkasyna tıisti deńgeıde áser etpek. Sarapshylardyń paıymynsha, bir jyldan keıin el ekonomıkasy 3,2%-ǵa ósýi tıis (aǵymdaǵy kórsetkish – 3,2%)», dep túıindeıdi Qazaqstan qarjygerleri qaýymdastyǵynyń sarapshylary.
