Kollajdy jasaǵan Amangeldi Qııas, «EQ»
Buǵan deıin qyzmetti alý úshin rezıdent emes azamattar arnaıy bólingen kúsheıtilgen halyqqa qyzmet kórsetý ortalyqtaryna júginetin. Memlekettik korporasııa qyzmetkerlerine túsetin júktemeni azaıtý maqsatynda ekinshi deńgeıli bankterde osy qyzmetti alý múmkindigi iske asyryldy.
JSN-di kez kelgen shetel azamaty bıznes júrgizý jáne qarjylyq operasııalyq prosester úshin ala alady.
Sonymen qatar ýaqytty únemdeý jáne halyqqa qyzmet kórsetý ortalyqtarynda kezekterdi boldyrmaý maqsatynda Memlekettik korporasııa eGov.kz elektrondy úkimet portaly arqyly sheteldikterge kúsheıtilgen halyqqa qyzmet kórsetý ortalyqtarynda kezekti brondaý boıynsha qosymsha qyzmetti ázirledi.
Sheteldikter úshin HQO-da kezekti brondaýǵa elektrondyq úkimet portalynyń basty betinde «Sheteldikter úshin HQO-da kezekti brondaý» qyzmetin tańdaý, jeke basyn kýálandyratyn qujattyń nómirin engizý, mekemeniń ataýyn kórsetý qajet. HQO, kelý maqsaty, kúni men ýaqyty belgilenedi. Sátti brondaý kezinde sheteldik azamat kórsetilgen ýaqyttan 15 mınýt buryn HQO-ǵa kelip, qabyldaý bóliminde tólqujatyn kórsetip, kezek bıletin alýy qajet. Aıtpaqshy, Telegram EgovKzBot2.0 boty arqyly onlaın brondaý qyzmeti de engizilgen.
Eske salaıyq, sheteldik azamattarǵa JSN alý úshin HQO-ǵa ekinshi ret oralý qajet emes. Daıyn qujat ótinishte kórsetilgen qazaqstandyq telefon nómirine jiberiledi.
