Aımaqtar • 16 Qazan, 2022

Almatynyń seriktes qalalary salynýy múmkin

95 ret kórsetildi

Jaqynda Almaty mańynda G4 City atty shaǵyn seriktes qala salynatyny týraly habar qaıta  tarady. Bul Almaty úshin jańalyq emes, Almatyǵa seriktes qalalardyń qajettigi 2006 jyldan beri aıtylyp kelse de jospar-qujat  deńgeıinen aspaǵan bolatyn. Endi  Almatynyń seriktes qalasyn salý úshin 8 myń gektardan astam jer qajet. Bul týraly Almaty oblysynyń ákimdiginde aıtyldy, dep jazady  Egemen.kz.

Buǵan deıin 2019 jyldyń qarashasynda CaspianGroup jobasynyń bastamashysy jáne sıngapýrlyq SurbanaJurong damý kompanııasy arasynda G4 City jobasynyń bas josparyn ázirleýde yntymaqtastyq týraly kelisimge qol qoıylǵany aıtylǵan edi.

Jospar boıynsha «Gate City» (Qaqpa qala), «Golden City» (Altyn qaqpa), «Growing City» (О́sý qalasy), Green City (Jasyl qala) dep atalatyn tórt shahardyń aýmaǵy 8 myń gektarǵa eseptelgen. Munda Almaty qalasy úshin azyq-túlik klasteri, jolaýshylarǵa arnalǵan kólik toraby, zamanaýı oıyn-saýyq tehnologııalary alqaby ornalasady.  Al ol jerde turatyn halyqtyń sany 130 myń adamǵa jetedi dep josparlanǵan. «Almaty-Qapshaǵaı»  tas jolynyń boıynda ornalasqan «G4 City»  bolashaqta aqyldy qalaǵa aınalady degen úmit bar. Ol tórt aýdannan turady: Gate District — bıznes-qarjy ortalyǵy, Golden District — bilim berý jáne medısınalyq hab, Growing District — óndiristik jáne logıstıkalyq hab, Green District — týrızm jáne oıyn-saýyq ortalyǵy.

G-4 City jobasyn júzege asyrý úshin 8302 gektar jer qarastyrylyp otyr.  Atap aıtqanda, Gate City - 2 370 ga, Golden City - 1 869 ga, Growing City - 2 420 ga, Green City - 1 643 ga.

Ile aýdany aýmaǵyndaǵy Gate City aýdanyna 341 jer telimi, ıaǵnı 2370 gektar alynady.  G-4 City jobasynyń bastamashylaryna 45 gektar jer jeke menshikke berilgeni atap ótildi.

№2 Golden City  boıynsha 1869 ga 143 jer telimin alyp tastaý kerek. Máselen, memlekettik jer paıdalanýshylarda 19 ýchaske (500 ga), zańdy tulǵalarda alty ýchaske (55,86 ga), jeke tulǵalarda 71 ýchaske (549,41 ga), G-4 City 47 ýchaske (763,73 ga) bar.

«Growing City» aýdanyn salý úshin ıelikten shyǵarylǵan jer telimderiniń sany 179, aýdany 2420 ga. Atap aıtqanda, memlekettik jer paıdalanýshylar – 65 ýchaske (910,10 ga), zańdy tulǵalar – 5 ýchaske (72,34 ga), jeke tulǵalar – 71 ýchaske (977,05 ga), G-4 City – 38 ýchaske (alańy 460,49 ga).

Qonaev aýmaǵynda jasyl qala úshin 1643 gektar aýmaqty quraıtyn 29 ýchaske alynady. Onyń ishinde memlekettik jer paıdalanýshylarda – 16 jer ýchaskesi (922,98 ga), zańdy tulǵalarda – úsh ýchaske (568,3 ga), jeke tulǵalarda – 10 ýchaske (151,72 ga).

«Ile aýdany ákimdiginiń «Májbúrlep ıelikten shyǵarýdy, onyń ishinde memleket muqtajy úshin jer telimderin satyp alý arqyly alýdy bastaý týraly» qaýlysy qabyldandy», dedi ákimdikte.

Sonymen qatar, «Bereke» ındýstrııalyq aımaǵynyń shekarasyna kiretin jer telimderin alý jumystary júrgizilýde. Bul rette «Almaty oblysynda G-4 qalasyn damytýdyń bas josparynyń tujyrymdamasyn bekitý týraly» qaýly jobasy ortalyq memlekettik organdardyń qaraýynda jáne kelisýde ekeni atap ótildi.  Bekitilgen qujat negizinde bas jospar ázirlenedi. Ákimdik qazirgi ýaqytta 1601,34 gektar jerdi rezervke alý týraly qaýlylar qabyldanǵanyn qosty.  

Eske salaıyq, Almaty oblysyndaǵy G-4 City damýynyń bas josparynyń   ázirlengen tujyrymdamasyna sáıkes ol zamanaýı taqyryptyq aımaqtardan turady. Aqyldy qalany Almaty-Qonaev tas jolynyń boıynda ornalastyrý josparlanýda. Seriktestik qalada 2,2 mıllıon turǵyn bolady dep kútilýde. 2050 jylǵa qaraı qala 1,1 mıllıonnan astam jumys ornyn qamtamasyz etedi dep boljanýda.

Sońǵy jańalyqtar

Tarıhı fınal

Sport • Keshe

Yqpaldy Májilis minberi

Pikir • Keshe

Kezekti beles

Pikir • Keshe

Nesibeni arttyratyn nesıe

Aımaqtar • Keshe

Áskerı topograf

Qoǵam • Keshe

Kedergi fılosofııasy

Rýhanııat • Keshe

Dýblıajdyń darabozy

О́ner • Keshe

Bizdiń Lıýı-Ko

О́ner • Keshe

О́mirmen qoshtasý áni

О́ner • Keshe

Rýh

Sport • Keshe

Bap kem be, baq kem be?

Boks • Keshe

Fınalda joly bolmady

Tennıs • Keshe

Tórt ret tize búktirdi

Hokkeı • Keshe

Uqsas jańalyqtar