Adal saılaý jolynda

Shtab músheleri, zańgerler Erkin Ońǵarbaev, Ermek Ábdi­ra­sulov, Indıra Áýbákirova, Marat Báshimov, Ábdikárim Aq­janov qoǵamdyq alańda qol­jetimdi derekkózderdi paıdalana otyryp, saılaý úderisiniń barysy týraly aǵymdaǵy jaǵdaıǵa túsinikteme berdi.

E.Ońǵarbaev shtabtyń ju­mysy týraly qysqasha baıandap, shtab músheleriniń konstı­týsııalyq reforma erejelerin quqyqtyq súıemeldeý, saılaý zańnamasynyń negizgi erejelerin túsindirý, óńirlerdegi saılaý úderisine qatysýshylarǵa qu­qyq­tyq kómek kórsetý jónin­degi belsendiligin atap ótti.

О́z kezeginde professor E.Áb­dirasulov Ortalyq saılaý ko­mıssııasy qabyldaǵan sheshim­derdiń ashyqtyǵyn atap ótti. «Ortalyq saılaý komıssııasy­nyń resmı saıty – negizgi derekkózi, ol jerden kez kelgen azamat Qazaqstan Respýblıkasynyń prezıdent­tigine kandıdattarǵa qatysty qabyldanǵan sheshim­dermen tanysa alady», dedi ol. Sondaı-aq spıker kandı­dattardyń zań talaptaryna sáıkestigin baǵalaý jónindegi Ortalyq saılaý komıssııasy sheshimderine, jekelegen kandıdattardy tirkeýden bas tartý sebepterine egjeı-tegjeı toqtaldy.

I.Áýbákirova Ortalyq saılaý komıssııasy aýmaqtyq saı­laý komıssııalarynyń prezı­denttikke kandıdatty qoldaýǵa qol qoıýdyń durystyǵyn tekserý merzimin on kúnnen bes kúnge deıin qysqartqanyn atap ótti.

Professor M.Báshimov búkil saılaý úderisi buqaralyq aqpa­rat quraldary, óńirlerdegi eń­bek ujymdarymen kezdesýler arqyly saılaýshylardyń naza­­ryna oflaın jáne onlaın for­­matta jetkiziletinin aıtty. So­ny­men qatar saılaý zań­nama­syn buzǵany úshin jaýap­kershi­lik qarastyrylǵanyn eske saldy.