Kún tártibindegi másele boıynsha Ortalyq saılaý komıssııasynyń múshesi Shavkat О́temisov baıandama jasady. Ol 2022 jyldyń 4 qazanynda Ortalyq saılaý komıssııasyna «Amanat» Qazaqstannyń kásipodaqtar yntymaqtastyǵy» respýblıkalyq kásipodaqtar birlestigi M.Qajykendi Qazaqstan Respýblıkasynyń prezıdenttigine kandıdat etip usyný týraly qujattardy usynǵanyn habarlady. Ortalyq saılaý komıssııasyna kandıdatty tirkeý úshin – prezıdenttikke kandıdat M.Qajykenniń jáne onyń zaıybynyń aktıvter men mindettemeler jóninde deklarasııa tapsyrǵany týraly memlekettik kirister organynyń anyqtamasy; tirkeýge kedergi keltiretin aýrýlardyń joqtyǵy týraly medısınalyq qorytyndysy jáne oblystardyń, respýblıkalyq mańyzy bar qalalardyń jáne Respýblıka astanasynyń aýmaqtyq saılaý komıssııalarynyń M.Qajykendi qoldap jınaǵan azamattardyń qoldaryn tekserý nátıjeleri týraly hattamalary usynyldy.
Atalǵan hattamaǵa sáıkes M.Qajykendi qoldaý maqsatynda elimizdiń 14 óńirindegi 122 184 azamattyń qoly jınaldy. Tekserý nátıjesinde 120 055 qoldyń durystyǵy anyqtaldy, ıaǵnı qajetti sany, keminde 1% nemese 118 273 qamtamasyz etildi.
M.Qajykendi prezıdenttikke kandıdat retinde tirkeýge qajetti barlyq qujat Ortalyq saılaý komıssııasyna usynyldy jáne olarǵa qoıylatyn talaptarǵa tolyq sáıkes keledi. Ortalyq saılaý komıssııasynyń qaýlysymen Meıram Zekeshuly Kajyken Qazaqstan Respýblıkasynyń prezıdenttigine kandıdat bolyp tirkelip, oǵan tıisti kýálik berildi.
