Alty myńǵa jýyq jankúıer tamashalaǵan Astanadaǵy kezdesýdiń alǵashqy kezeńi teń eseppen aıaqtaldy. 7-mınýtta Nıkıta Mıhaılıs QHL-diń osy maýsymyndaǵy birinshi shaıbasyn soǵyp, «Barysqa» basymdyq syılady. Degenmen, 19-mınýtta san basymdyǵyna ıe bolǵan qonaqtar úziliske deıin tarazy basyn teńestirip ketti – 1:1. Goldyń avtory – Pavel Mahanovskıı.
Ekinshi kezeńde «Barys» oıynshylary qarqynyn arttyryp, qonaqtar qaqpasyna jaýapsyz úsh shaıba engizdi. Aldymen 26-mınýtta Ańsar Shaıhmeddenov «Barysty» qaıtadan esepte alǵa shyǵarsa, arada bir mınýt ótkende Iýrıı Sergıenko men Lınden Veı mergendigimen kózge túsip, tablodaǵy kórsetkishti 4:1-ge jetkizdi. Al úshinshi kezeń bastalǵan bette Egor Petýhov dáldik tanytyp, oıynnyń núktesin qoıdy –5:1.
Osylaısha, qatarynan eki oıynda jeńiske jetken «Barys» «Shyǵys» konferensııasynyń týrnır kestesindegi jaǵdaıyn jaqsartyp aldy. Jerlesterimiz kelesi kezdesýin búgin «Batys» konferensııasynda tórtinshi orynda turǵan Nıjnıı Novgorodtyń «Torpedosymen» ótkizedi.
