Aızadanyń Azııadaǵy jeńisi

Dopıng daýyna baılanysty álemdik arenada bedelin joǵaltyp alǵan Qazaqstan quramasynyń aýyr atletteri birte-birte eńse tiktep keledi. Máselen, byltyr О́zbekstanda ótken Azııa chempıonatynda 1 altyn, 3 kúmis jáne 3 qola medal jeńip alǵan Qazaqstan quramasynyń sportshylary Manamada 3 altyn, 2 kúmis, 3 qolaǵa qol jetkizip, jalpy­ko­mandalyq esepte ekinshi orynǵa ıe boldy.

Bıylǵy dodada erler arasynda baq synaǵan jas daryndy aýyr atlet Asyljan Bektaı (89 kg), Tokıo Olımpıadasynyń qola júldegeri Zúlfııa Chınshanlo (55 kg) men jas­tar arasyndaǵy 2017 jylǵy Azııa birinshiliginiń kúmis júldegeri Aızada Múptilda (sýrette) erekshe ónerimen dara­la­nyp, altynnan alqa taqty. Son­daı-aq Zúlfııa Chınshanlo bı­yl­­ǵy Azııa chempıonatynyń úzdik sportshysy degen ataqqa ıe boldy.

Talaı dúbirli dodada el qor­jynyna júlde salyp júrgen Zúlfııa Chınshanlo bıyl sporttyq karerasynda tuńǵysh ret Azııa chempıonatynda jeńis tuǵyrynan kórindi. Buǵan deıin Azııa oıyndarynda eki ret kúmis júldege ıe bolǵan qazaqstandyq ziltemirshi Manamada 220 kılony yrqyna kóndirip, bas júldeni oljalady. Tokıo Olımpıadasynda 226 (95+125) kılomen úshinshi orynǵa taban tiregen jerlesimizge qurlyq dodasynda chempıon atanýǵa 220 kılonyń ózi jetkilikti boldy. Zúlfııadan baqandaı 10 kıloǵa qalyp qoıǵan qytaılyq Iý Lıng­long (210 kg) ekinshi orynǵa taban tirese, qolany ózbekstandyq Nı­gora Abdýlaeva (193 kg) jeńip aldy.

Eresekter arasyndaǵy dodaǵa alǵash ret qatysqan 22 jastaǵy qyzylordalyq Asyljan Bektaı 89 kıloda Azııanyń úzdigi atandy. 2017 jyly Bangkokte (Taıland) ótken 17 jasqa deıingi jasóspirimder ara­syndaǵy álem chem­pıona­tynyń qola júl­desine ıe bol­ǵan jerlesimiz bı­yl eresekter arasyn­daǵy al­ǵashqy iri je­tis­ti­gine qol jetkiz­di. Jerlesimiz jalpy esep­te 362 (165+197) kılo­ny eńserip, el qu­ramasynyń qor­jy­nyna ekinshi altyndy saldy. Bul salmaqtaǵy Azııa chempıo­natynyń kúmis júl­desin Asyljannan bir kılo qalyp qoıǵan qyrǵyz sportshysy Emıl Moldodosov (361 kg) moınyna ilse, qola medal ırandyq Masýd Sha­traıge buıyrdy (358 kg).

Jarystyń alǵashqy kúninde altyn alyp, chempıonatty sátti bastap bergen Chın­shan­lo­nyń je­ńisti jolyn Aızada Múptilda bas júldemen túıindedi. Áıelder arasynda 87 kılodan joǵary salmaqta baq synaǵan Aızada eki baǵdarlamada 277 kılony eńserip, óz salmaǵynda Azııanyń aldy boldy. Sondaı-aq osy salmaq dárejesinde óner kórsetken taǵy bir jerlesimiz Lıýbov Kovalchýk qola júldege qol jetkizdi (266 kg).

О́kinishke qaraı, osydan bir jyl buryn ǵana Tashkenttegi tolaǵaılar básekesinde top jar­ǵan Chonteı bul joly kú­mis­ti qanaǵat tutty. Tokıo Olım­pıa­dasynyń qola júldegeri Bahreın­degi dodanyń qossaıys baǵdar­masynda 260 kılo (116+144) ziltemirdi basynan asyra kóterip, ekinshi orynǵa taban tiredi. Jer­lesimiz bas júldeni jeńip alǵan vetnamdyq La Than Djıa­dan nebári eki kıloǵa (262 kg) qalyp qoıdy. Qola júlde Saýd Ara­bııasynyń ókili Mansur Ál-Sálemge (259 kg) buıyrdy.

Qyzdar arasynda 76 kıloǵa deıingi básekede synǵa túsken Araı Nurlybekova altyn júl­dege synyq súıem qalǵanda súrinip, Azııa chempıonatynda kúmis­pen kúpteldi. Ol qossaıysta 221 (97+124) kılony yrqyna baǵyn­dy­ryp, ekinshi orynǵa ıe bolady. Altyn medaldi 243 kılo ziltemirdi kótergen qytaılyq Kýıtın Pen jeńip alsa, qola júlde taılandtyq Dýangkamon Khongtongtyń (221 kg) enshisinde ketti.

Sonymen qatar Bahreındegi aýyr atletterdiń basty jarysynda 2017 jylǵy jasóspirimder arasyndaǵy álem chempıony, 2019 jylǵy jastar arasyndaǵy álem birinshiliginiń qola júldegeri Artem Antropov pen Aısha Oma­rova Azııa chempıonatynyń qola júldegerleri atandy. 96 kıloda baq synaǵan Antropov qossaıysta 337 kılo eńserse, qyz­dar básekesinde 81 kıloǵa deıingi salmaqta synǵa túsken Omarova 217 kılomen úzdik úshtikten tabyldy.

Jalpykomandalyq esepte Qy­taı ziltemirshileri 8 júldemen (6 altyn, 2 kúmis) top jarsa, Qazaq­stan quramasy ekinshi orynǵa ıe boldy. Al úzdik úshtikti Vetnam (3 altyn, 2 kúmis) sportshylary túıindedi.