Kollajdy jasaǵan Amangeldi Qııas, «EQ»
Almaty oblysynyń dıqandary da «qazan aýyzy joǵary» degendi jıi aıtyp júr. Iаǵnı alqaptarda óngen astyqtyń túsimi jaqsy. Búginge deıin egistiktiń 80 paıyzy jınalypty. Jınalǵan dánniń salmaǵy 361,9 myń tonnaǵa jetti.
– Búginge deıin 181,4 myń tonna astyq jınaldy. Bul byltyrǵy ónimmen salystyrǵanda eki ese kóp. Bıdaıdy jınaý naýqany da aıaqtalyp qaldy. 69,4 myń tonna bıdaı bastyryldy. О́tken jylǵy kórsetkish 32,1 myń tonna bolatyn. Al oblysta eń kóp ósiriletin dándi-daqyldyń biri sanalatyn arpany jınaý naýqany da aıaqtaldy. 184,2 myń tonna jınaldy, ótken jyly 149,3 myń tonna bolǵan. Sondaı-aq 81,5 myń tonna júgeri jınaldy, ony jınaý qarashanyń birinshi onkúndigine deıin jalǵasady. Kúrishtiń ónimi 26,7 myń tonna boldy, – deıdi oblystyq aýyl sharýashylyǵy basqarmasynyń ókilderi.
Sol sııaqty bıyl egilgen kartoptyń túınegi mol túsken. Qazir kartop alqaptarynyń 85 paıyzy jınalyp, jınalǵan ónim kólemi 429,3 myń tonnaǵa jetken. Al byltyr jınalǵan jalpy ónim kólemi 398,1 myń tonna shamasynda bolǵan. Kókónis ósirýshilerdiń de bıyl ónimge qaryq bolyp otyrǵan jaıy bar. Jalpy, jınalǵan kókónistiń kólemi bıyl 743 myń tonnaǵa jetti. О́ńirde jemis-jıdek jınaý naýqany da aıaqtalýǵa taıaý. Búginde 105,6 myń tonna ónim túri jınalǵan.
Jalpy, bıyl oblystaǵy jemis-jıdek daqyldarynyń kólemi 12,6 myń gektarǵa jetti. Bul ótken jylmen salystyrǵanda myń gektarǵa artyq. Al oblys boıynsha ósirilgen jemis-jıdektiń jartysyna jýyǵy Eńbekshiqazaq aýdanynyń úlesinde, dıqandar 47,2 myń tonna ónim jınaǵan. Odan keıingi orynda Uıǵyr aýdany tur. Bul aýdandaǵy jınalǵan jemis-jıdek kólemi 29 myń tonna shamasynda. Osy eki aýdannan Talǵar sharýalary da qalysar emes, aýdanda 19,1 myń tonna ónim jınalǵan kórinedi. Bıylǵy ónimdilik mólsheri óte jaqsy. Máselen, ótken jyly jemis-jıdekten alynǵan ónimdilik mólsheri 77,5 sentner bolsa, qazirdiń ózinde ár gektardaǵy ónimniń tabysy 83,5 sentnerden aınalyp otyr.
Almaty oblysy
