Fotokórmeniń basty maqsaty – turǵyndar arasynda volonterlerdiń qyzmetin nasıhattaý.
«Tótenshe jaǵdaı kezinde volonterler zardap shekken azamattarǵa kómektesý úshin táýlik boıy jumys istedi. Jaqynda Qostanaı oblysynda júzdegen otbasy órtten zardap shekken kezde eriktilerimiz elimizdiń barlyq óńirinde gýmanıtarlyq kómek jınady. Áýlıekól aýdanynda 300-den astam volonter jumys istedi. Olar azyq-túlik pen birinshi kezekte qajetti zattardy taratýǵa, qalpyna keltirý jumystaryna, úıindilerdi suryptaýǵa, aýmaqty tazalaýǵa jumyldyryldy. Volonterlerimiz ardagerler men qarııalarǵa júıeli túrde kómektesedi. Az qamtylǵan otbasylardan shyqqan balalarǵa, erekshe qajettiligi bar baldyrǵandarǵa arnalǵan merekelik is-sharalar uıymdastyrady. Eń bastysy – munyń bári tegin atqarylady. Sebebi bul – volonterlerdiń júrek tańdaýy», dedi N.Jetpisbaev.
Kórme 4 negizgi blokqa arnalǵan. Iаǵnı «Aryspen birgemiz», 2019 jyly maýsymda áskerı bólimde órt saldarynan birneshe jarylys boldy. «Maqtaaralǵa kómek», 2020 jyly mamyrda О́zbekstandaǵy Sardoba sý qoımasy bógetiniń buzylýyna baılanysty Túrkistan oblysynyń Maqtaaral aýdanyndaǵy birneshe aýyldy sý basty. Sondaı-aq koronavırýs pandemııasynyń aýyr kezeńinde, ıaǵnı 2020 jyly jazda karantın jarııalanǵan kezde áleýmettik turǵyda osal otbasylarǵa medısınalyq maskalar men azyq-túlik jıyntyqtaryn taratýǵa arnalǵan «Biz Birgemiz» aýqymdy aksııasy qolǵa alyndy. О́tken aıda Qostanaı oblysynda órt bastalǵan kezde «Qostanaıǵa kómek» aksııasy ótti.
Kórme qonaǵy, stýdent Nargız Álibekovanyń aıtýynsha, jastardyń mundaı qyzmeti qashan da qurmetke laıyq.
«Buǵan deıin volonterler týraly jazbalardy áleýmettik jelilerden oqyp júrdim. Al bul kórmege degen tańdanysym tipten erekshe. Sebebi eriktilerdiń eńbegin jańa qyrynan kórdim. Tipti bolashaqta volonterler qataryna qosylsam ba degen oı keldi», – dedi ol.
