Sholpan juldyz festıvali

Alty kúnge sozylatyn aıtýly teatr dýmanyna sarapshylar keńesiniń sheshimimen iriktelip alynǵan barlyǵy 10 spektal qatysady. Respýblıkanyń túk­pir-túkpirinen tańdalǵan úzdik qo­ıylymdar qatarynda – S.Qojam­qulov atyndaǵy Jezqazǵan qa­zaq mýzykaly-drama teatrynyń «Jut» (avtory – O.Janaıdarov), Ǵ.Músirepov atyndaǵy Qazaq mem­lekettik akademııalyq balalar men jasóspirimder teatry­nyń «Oıan, qalyńdyq» (avtory – G.Lorka), Á.Mámbetov atyndaǵy memlekettik drama jáne komedııa teatrynyń «Borandy beket» (Sh.Aıtmatov), F.Dostoevskıı atyndaǵy memlekettik Semeı orys drama teatrynyń «Kishkentaı hanzada» (A.Ekzıýperı), Aq­mo­la oblystyq orys drama teatry­nyń «Shaǵala» (A.Chehov), Q.Qýa­nyshbaev atyndaǵy memlekettik akademııalyq qazaq mýzykalyq drama teatrynyń «Altaıdan aýǵan el» (H.Altaı, H.Oraltaı), S.Seıfýllın atyndaǵy Qaraǵan­dy oblystyq akademııalyq qazaq drama teatrynyń «Tekeburqaq» (Sh.Murtaza), M.Gorkıı atyndaǵy Memlekettik akademııalyq orys drama teatrynyń «Naızaǵaı» (A.Ostrovskıı), Túrkistan mýzy­­kalyq drama teatrynyń «Qor­qyt» (E.Amanshaev) jáne Res­pýblıkalyq akademııalyq ne­mis drama teatrynyń «Andorra» (M.Frısh) spektaklderi bar.

Teatr tartýy munymen taýsylmaıdy. Festıval aıasynda sondaı-aq kórnekti teatr jáne kıno aktrısasy, Qazaqstannyń Memlekettik syılyǵynyń laýrea­ty, KSRO halyq ártisi Sholpan Isabekqyzy Jandarbekovanyń shyǵarmashylyǵyna arnalǵan dóń­gelek ústel, Sh.Jandarbekova shy­ǵarmashylyq ǵumyrynan syr shertetin kórme, Erǵazy Tóleý­diń «Sholpan juldyz» atty kita­bynyń tusaýkeseri ótedi. Sahna sań­laǵynyń kózin kórgen teatr qaıratkerleri, tól shákirtteri, zııa­ly qaýym ókilderi ańyz aktrısa týraly estelik aıtyp, taǵylymy mol áńgimelerin ortaǵa salady dep kútilýde.

Odan bólek, aıtýly óner meı­­ramy aıasynda sonymen qa­tar Qa­zaq­stannyń halyq ártisi Qadyr Jetpisbaevtyń 80 jyldy­ǵyna arnalǵan is-sharalar da jos­par­lanǵan. Atap aıtsaq, 18 qazan kúni saǵat 10.00-de «Qallekı» teatrynyń alǵashqy qurylý jyldarynda ujymǵa jetekshilik etip, repertýarynyń qalyptasýyna ózindik eńbegin sińirgen Qazaq­stannyń halyq ártisi, rejısser Qadyr Jetpisbaevtyń 80 jyl­dyǵyna arnalǵan qos tomdyq kitap­tyń tusaýkeseri jáne «Bala mer­gen» qoıylymynyń preme­rasy ótedi. Alty kún boıy Arqa aty­rabyn óner dýmanymen dúbir­letetin teatr merekesiniń kórer­menine usynar tartýy mol.