Dara kásipkerlermen taýarlardy bólshek saýdada ótkizý kólemi 1,9%-ǵa ósti. Azyq-túlik taýarlarynyń bólshek saýdanyń jalpy kólemindegi úlesi 36%-dy qurady, azyq-túlikke jatpaıtyn taýarlardiki – 64%. Saýda kóleminiń eń kóp ósimi azyq-túlikke jatpaıtyn taýarlar úlesinde. Atap aıtqanda, mamandandyrylǵan dúkenderdegi jıhazdar, maılaý materıaldary, toqyma jáne shulyq buıymdary, avtomobıl bólshekteri, toraptar men kerek-jaraqtar, motor otyny, mýzykalyq aspaptar, turmystyq elektr quraldary, farmasevtıkalyq taýarlar, kompıýterler, perıferııalyq jabdyqtar men baǵdarlamalyq qamtamasyz etý, kıim, aıaq kıim, kosmetıkalyq taýarlar men gıgıena kerek-jaraqtary, saǵat jáne zergerlik buıymdar, jaryqtandyrý quraldary men turmystyq taýarlardy satatyn kásiporyndarda baıqaldy. 2022 jylǵy 1 qazanǵa saýda kásiporyndarynyń taýar qorlarynyń kólemi (esep bergen kásiporyndar boıynsha) bólshek saýdada 1 200,9 mlrd teńgeni, saýda kúnderinde 61 kúndi qurady.
2022 jylǵy qańtar-qyrkúıek aralyǵyndaǵy respýblıkadaǵy bólshek saýdanyń jalpy kólemindegi edáýir joǵary úles salmaq Almaty (32,0%) men Astana qalalaryna (12,2%), Qaraǵandy (8,5%) jáne Shyǵys Qazaqstan (6,2%) oblystaryna tıesili.
Bólshek saýdanyń naqty kólem ındeksi ótken jylǵy tıisti aıǵa paıyzben
