Eki oblystyń taýar óndirýshileri Astanaǵa 698 tonna ekologııalyq taza ónim ákeledi. Onyń ishinde: 430 tonna kartop, barlyq túrdegi 138 tonna et, 95 tonna kókónis, 13 tonna sút ónimi, 5,5 tonna balyq jáne balyq ónimderi, 200 myń dana jumyrtqa jáne 16 tonna ózge de ónim (shujyq, kondıterlik, nan-toqash) bar.
Respýblıka kúni qarsańynda ótetin jármeńkege Qaraǵandy oblysynan 164 fermerlik sharýashylyq pen qaıta óńdeý kásiporyndary, sondaı-aq Ulytaý oblysy Jańaarqa aýdanynyń taýar óndirýshileri qatysady.
Aıta ketsek, bul jármeńke fermerlerge óz ónimderin tikeleı tutynýshylarǵa deldalsyz satýǵa múmkindik beredi, nátıjesinde olardyń taýarlary naryqtaǵy baǵadan 10-20% tómen bolady.
Jármeńkeler 30 qazanǵa deıin ár senbi men jeksenbi kúnderi ótedi. О́tetin orny: Turan, 48 mekenjaıyndaǵy «Astana-Arena» stadıonynyń janyndaǵy alań.
Al kelesi demalysta (29-30 qazan kúnderi), ıaǵnı bıylǵy jármeńkeni Aqmola oblysynyń kásipkerleri qorytyndylaıdy.
