Jartylaı fınal oıyndarynyń qorytyndysy boıynsha «Aqjaıyq» pen «Ordabasy» Qazaqstan kýbogin sarapqa salatyn boldy. Alǵashqy ½ fınal matchynda jasyl alańǵa shyqqan Oraldyń «Aqjaıyǵy» óz alańynda «Tarazdyń» tas-talqanyn shyǵardy – 5:3. Ekinshi oıynda Shymkenttiń «Ordabasy» klýby elordada «Astanany» tize búktirdi. «Astana Arenada» ótken kezdesýde qonaqtar 3:2 esebimen jeńiske jetti.
«Aqjaıyq» pen «Ordabasy» arasyndaǵy Qazaqstan OLIMPBET-kýboginiń fınaly 12 qarashada ótedi. Degenmen ázirge oıynnyń qaı qalada uıymdastyrylatyny belgisiz. Aıta keteıik, Qazaqstan kýboginde top jarǵan komanda kelesi jylǵy Eýrokýbok oıyndaryna joldama alady.
