Arýlar – Azııa chempıony

Olımpıadalyq sport túrine enetin kógaldaǵy hokkeı  sporty keıingi jyldary Qazaqstanda qarqyndy damyp keledi. Azııa chempıonattarynda júlde salyp júrgen ulttyq qurama ókilderi álemdik deńgeıdegi jarys­tarda da laıyqty óner kórsetip júr­genin jankúıerler jaqsy biledi. Endi, mine, jastar quramasy da úzikter qatarynan kórinip, Azııa kýbogynda alǵash ret top jardy. 

Ortalyq jáne Ońtústik Azııa­nyń alty quramasy óner kórset­ken Taldyqorǵandaǵy tartys­ty báse­kelerde Qazaqstan qura­ma­sy­nyń qyz­dary toptyq kezeńde tek qytaılyq Taıbeı sportshy­la­ryna ǵana jol berip (fınalda dál osy quramany jeńdi), qal­ǵan oıyn­dar­dyń barlyǵynda qar­sylasyn qapy qaldyryp, Azııa kýbogynyń jeńim­pazy atandy.

Atap aıtqanda, jerlesterimiz qurlyq básekesiniń toptyq kezeń­degi alǵashqy týrynda Tájik­stan qu­ramasyn 18:0 esebimen tize búk­tirse, keıingi oıynda Indo­­nezııa hokkeıshilerinen basym boldy – 5:0.  Úshinshi týrda qy­taılyq Taı­beıden 0:2 esebimen je­ńilip qalǵan jerlesterimiz keıingi eki match­ta Gonkong (7:0) pen О́zbekstan qura­ma­laryn (2:0) jeńip, fınaldyq saıys­qa joldama aldy.

Ár tórt jylda bir ret ótkizi­letin Azııa kýbogynyń bıylǵy fınalynda toptyq kezeńde eń kóp upaı jınaǵan Qazaqstan men qytaılyq Taıbeı qura­malary shyǵyp, otandastarymyz 7:2 ese­bimen jeńiske jetip qana qoı­maı, osy jarystaǵy esesin qaıtar­dy. Al úshinshi oryn úshin ótken báse­kede О́zbekstan sportshy­lary Indo­nezııany jeńip, Azııa kýbogynyń qola júldegeri atandy. Buǵan deıin uıymdastyrylǵan jastar arasyndaǵy Azııa kýbogy básekelerinde qytaılyq Taıbeı quramasy (2003, 2011, 2014) úsh ret jeńimpaz atanǵan bolsa, Ma­laızııa (2007) men Sıngapýr (2019) sportshylary bir-bir márte úzdik shyqqan-tyn.

Sondaı-aq jarys qorytyn­dysy boıynsha, qytaılyq Taı­beı ókili Hýan I-Chýn Azııa ký­bo­gynyń úzdik surmergeni, al Van Iý-Chın úzdik oıynshy atandy. Sondaı-aq Qazaqstan qura­ma­synyń bas bapkeri Nurjan Beı­bitov týrnırdiń eń úzdik jat­tyq­­tyrýshysy ataǵyna ıe bolsa, Dilnaz Oljabaeva eń úzdik qaqpashy atalymynda top jardy.

Bir aptaǵa jalǵasqan jarystyń jabylý saltanatyna Taldyqorǵan qalasy ákiminiń orynbasary Dıas Ahmet­qalıev, Jetisý oblystyq sport basqarmasynyń basshysy Almat Úshkempirov, Qazaqstan hokkeı fede­rasııasynyń prezıdenti Berikqazy Seksenbaev, vıse-prezıdenti Mahmud Orman, federasııanyń bas hatshysy Serik Qalymbaev jáne taǵy basqa shet mem­leketterden kelgen laýazymdy tul­ǵalar qatysyp, jarys jeńimpazy men júldegerlerin marapattady.