21 qazan kúni Aqsý qalasynyń polısııasyna kámeletke tolmaǵandardyń zańdy ókilderinen balalarǵa dene jaraqatyn keltirgen №12 balabaqshanyń tárbıeshisine qatysty shara qabyldaý týraly ujymdyq ótinish kelip tústi.
«Osy ótinish boıynsha polısııa tekserýdi bastady. Beınejazbalar alyndy. Qaraý kezinde balabaqsha qyzmetkeri kámeletke tolmaǵandardy uryp-soqqany anyqtaldy. Atalmysh fakti boıynsha sot-medısınalyq saraptamasy taǵaıyndaldy. 44 jastaǵy tárbıeshige qatysty QR QK-niń 110-baby boıynsha sotqa deıingi tergeý bastaldy», dep jazylǵan Pavlodar oblysy PD baspasóz qyzmeti taratqan habarlamada.
Sondaı-aq tekserý nátıjeleri mektepke deıingi mekemeniń basshysyna qatysty tártiptik shara qabyldaý úshin oblystyq bilim basqarmasyna jiberiletin bolady.
