Mehıko qalasynda uıymdastyrylǵan boks keshinde áýesqoı bokstan 2017 jylǵy álem birinshiliginiń kúmis júldegeri Ábilhan Amanqul men Azııa chempıony Bek Nurmaǵanbet sharshy alańǵa kóterildi. Rıngke birinshi bolyp shyqqan Bek jergilikti boksshy Lýchano Araýhomen (6-5-3, 3 KO) judyryqtasty. Sýper orta salmaqta josparlanǵan segiz raýndtyq aıqastyń ekinshi raýndynda jerlesimiz qarsylasyn tehnıkalyq nokaýtpen utty. Bul – Nurmaǵanbettiń kásipqoı bokstaǵy segizinshi jeńisi. Jerlesimiz byltyr WBA International tujyrymy boıynsha sýper orta salmaqtaǵy tıtýldy jeńip alǵan bolatyn.
Al kásipqoı bokstaǵy «qazaqtyń salmaǵyna» aınalyp bara jatqan orta salmaq dárejesinde jekpe-jek ótkizgen Á.Amanqul da meksıkalyq boksshy Ieasson Pacheko Servantespen (6-1, 3 KO) judyryqtasyp, qarsylasyn óz jankúıerleri aldynda sulatyp saldy. Bul – otandasymyzdyń kásipqoı bokstaǵy ekinshi jeńisi.
