Mınıstrdiń aıtýynsha, ǵalamtordaǵy jalǵan aqparat aǵyny qoǵamdyq pikirge áser etedi. Mundaı jaǵdaılarda aqparatty jınaý, taldaý jáne taratý úlken jaýapkershilik júkteıdi. Sondyqtan, AQDM basshysynyń aıtýynsha, jýrnalıstıka men BAQ-tyń basty mıssııasy - aqparatty sanaly túrde jarııalaý, aýdıtorııany dáleldengen derekterge senýge shaqyrý.
«Mınıstrliktiń tikeleı mindeti - BAQ mektepterin ashý, medıa saýattylyq salasynda bilim berýdi qalyptastyrý. Birqatar birlesken sharalar qabyldanýy kerek, faktilerdi tekserý, aqparatty taldaý, mazmunnyń shyǵý tegin tekserý, taratý aldynda mazmundy «súzgiden» ótkizetin krıterııler jasaý sııaqty birneshe kezeńnen turatyn oqytý júıesin qurý qajet. BAQ týraly zań jobasyndaǵy keıbir jańalyqtar osyǵan baılanysty bolady», dep atap ótti Darhan Qydyráli Astana Media Week aıasynda.
Onyń pikirinshe, jalǵan aqparatpen kúresý úshin aýdıtorııany senimdi derek izdeýge, medıa saýattylyqty arttyrýǵa, jalǵan aqparatty dáleldengen aqparattan ajyratýǵa úıretý qajet.
