Prezıdentke aýyl sharýashylyǵy salasyn damytýdyń bıylǵy 9 aıdaǵy negizgi qorytyndylary týraly esep berildi.
Mınıstrdiń aıtýynsha, jalpy ónim 6,9 paıyzǵa artyp, 6,8 trıllıon teńgege jetken. 21,8 mıllıon tonna dándi jáne burshaqty daqyldar jınalǵan. Bul – sońǵy 10 jyldaǵy eń joǵary kórsetkishterdiń biri. Sondaı-aq elimiz tutynýǵa qajetti aýyl sharýashylyǵy ónimderiniń barlyq negizgi túri boıynsha tolyq qamtamasyz etilgen.
Qasym-Jomart Toqaevqa tapsyrmalarynyń oryndalý nátıjesi týraly málimet berildi. Atap aıtqanda, memleketke 5 mıllıon gektardan astam jer merziminen buryn qaıtaryldy. Bul jerler negizinen jaıylym tapshylyǵy máselelerin sheshýge beriledi. Sonymen qatar júrgizilgen tekserýlerdiń nátıjesinde jer paıdalanýshylar buǵan deıin bos jatqan 1,8 mıllıon gektar jerdi ıgerýge kiristi.
Prezıdentke veterınarııa júıesin reformalaý úshin qabyldanǵan keshendi sharalar týraly baıandaldy.
Memleket basshysy agrarlyq sektordy sıfrlandyrý jáne sýbsıdııalaý mehanızmin jetildirý, sondaı-aq aýyl sharýashylyǵy taýarlaryn óndirýshilerdi memlekettik qoldaý sharalaryn kúsheıtý jóninde birqatar mindet júktedi.
