Atap aıtqanda, qarashanyń alǵashqy kúnderinde el aýmaǵy boıynsha aýa temperatýrasy túnde -5+5°S, kúndiz +1+9°S, elimizdiń ońtústigi men ońtústik-shyǵysynda kúndiz +10+18°S jyly bolady.
Birinshi onkúndiktiń ortasynan bastap belsendi sıklon shyǵys baǵytta jyljyp Qazaqstan aýmaǵynan ketedi, bul sıklonnyń izinen Qara teńiz aımaqtarynan antısıklon taralady, bul jaýyn-shashynnyń basynda batys óńirlerde toqtatylýyna ákelip soqtyrady, onkúndiktiń sońynda respýblıkanyń qalǵan aýmaǵynda da jaýyn-shashyn toqtaıdy. Aýa temperatýrasy elimizdiń soltústik jartysynda túnde -3-13°S-qa deıin, kúndiz -5+2°S-qa deıin, ońtústik jartysynda túnde -5+2°S-qa deıin, kúndiz 0,+8°S-qa deıin tómendeýi kútilýde.
Aıdyń ekinshi jáne úshinshi onkúndiginde Qazaqstan aýmaǵynda Soltústik teńiz, Batys jáne Shyǵys Sibir aýdandarynan sýyq aýa massalary jıi kelip, turaqsyz aýa raıy boljanady. Termometrlerdiń baǵandary túsýi múmkin:
soltústik jartysynda túnde -17-25°S-qa deıin, kúndiz -5-12°S-qa deıin;
ońtústik jartysynda túnde -10-17°S-qa deıin, kúndiz -3-10°S-qa deıin.
Alaıda Qazaqstan aýmaǵyna Atlantıka men Iran aýmaǵynan aýa massalary túsetin jyly kúnderdiń de bolýy kútiledi.
