Mınıstrdiń aıtýynsha, sıfrlandyrýdy engizý sheńberinde árbir pedagogte attestattaýdan ótý, jumysqa qabyldaý, konkýrstarǵa qatysý týraly aqparat bolatyn sıfrlyq portfolıo bolady. Mektepterdegi oqýlyqtardy tańdaýda akademııalyq derbestik beriledi.
«Attestattar men dıplomdar QR-kod boıynsha sıfrlyq formatta beriledi. Ár oqýshynyń ózindik sandyq profıli bolady. Suranysqa ıe qyzmetter eGov jáne iri bankterdiń mobıldi qosymshalary arqyly kórsetiledi», dedi Ashat Aımaǵambetov.
Ol sondaı-aq mektepterdegi oryn tapshylyǵy máselesi qalaı sheshiletinin aıta ketti.
«Memleket basshysy «Jaıly mektep» ulttyq jobasyn júzege asyrý jóninde tapsyrma bergen edi. Ulttyq joba aıasynda 2025 jyldyń sońyna deıin 800 myńnan astam oqýshy orny paıda bolady, bul úsh aýysymdy jáne apatty mektepter máselesin sheshedi. Jańa mektepter úshin qurylys pen jaraqtandyrýdyń biryńǵaı standartyn qoldaný josparlanýda», dep túıindedi mınıstr.
