27 Mamyr, 2014

Elimizden Belarýs jerine jyl saıyn 2-3 mlrd. KVt saǵat elektr energııasy jetkizilmek

430 ret
kórsetildi
1 mın
oqý úshin
#46ASTANA. 27 mamyr. Qazirgi kezde elimizden Belarýs memleketine jyl syıyn 2-3 mlrd. KVt elektr qýatyn jetkizýge baılanysty kelissózder júrgizilýde. Bul týraly egemen.kz tilshisi habarlady. Eýrazııalyq ıntegrasııa sheńberindegi kelisimder negizinde Ekibastuz MAES-1 (Memlekettik aýdandyq elektr stansasy), Aqsý MAES kompanııalary belarýstyq áriptesterimen ortaq mámilege kelýdi kózdep otyr. Mamandardyń aıtýynsha, qazir KEGOC aksıonerlik qoǵamy reseılik seriktestermen birlese osy elektr energııasyn tranzıtteý máselelerin qarastyrý ústinde. Jalpy, Eýrazııalyq ekonomıkalyq odaqtyń qurylýy elimizden Reseıge elektr qýatyn jetkizýdi kóbeıtip qana qoımaı, Belarýs eliniń naryqtaryna shyǵýǵa ońtaıly jaǵdaı týǵyzyp beredi. Osy oraıda aıta keter jáıt, Qazaqstan, Reseı, Belarýs elderi 2016 jyly biryńǵaı elektr energııasy naryǵyn qurýǵa qatysty arnaıy baǵdarlama qabyldaıdy. Sonymen birge, 2015 jyldyń shildesinde osy máselege qatysty tujyrymda ázirlenedi. Joldybaı Bazar. Derekkóz: egemen.kz Foto: blogspot.com.
Sońǵy jańalyqtar