Jıyn barysynda Energetıka vıse-mınıstri Jandos Nurmaǵambetov, ındýstrııa jáne ınfraqurylymdyq damý vıse-mınıstri Erkebulan Daýylbaev, Soltústik Qazaqstan, Aqmola, Shyǵys Qazaqstan jáne Túrkistan oblystary ákimderiniń orynbasarlary júrgizilip jatqan jumystar jaıly baıandady.
Jylytý maýsymy barlyq óńirlerde bastalyp, turaqty ótip jatyr. Aıta ketsek, elimizdiń elektr stansııalarynda 5 energoblok, 42 qazandyq jáne 31 týrbına jóndeldi, 4,3 mln tonna kómir jáne 88 myń tonna mazýt bar, bul normatıvterge sáıkes keledi. Áleýmettik ınfraqurylym nysandary men turǵyn úıler qys mezgiline daıyn. Avtonomdy qazandyqtarda qajetti otyn qory jınaldy.
Keńes qorytyndysy boıynsha Roman Sklıar ákimdikterge jetkizilgen otyn úshin kommýnaldyq qyzmetter men energııa kózderi úshin debıtorlyq bereshekti tómendetý boıynsha jumys júrgizýdi tapsyrdy.
Sondaı-aq Indýstrııa jáne ınfraqurylymdyq damý mınıstrligi «QTJ» UK» AQ-men birlesip, ońtústik óńirlerdegi energııa kózderine otyndy turaqty jetkizýdi qamtamasyz etýi qajet.
