Qalalyq keńsede ótken baspasóz máslıhatynda Seýl meri apat úshin keshirim surady. Sondaı-aq ol kóp adam jınalǵan jerlerde tragedııaǵa jol bermeý úshin qala ákimshiligi barlyq sharalardy qoldanatynyn málimdedi.
Aıta ketsek, jergilikti BAQ-ta qala ákimshiligi men polısııanyń Ithevondaǵy jaǵdaıdy baqylaı almaǵany týraly másele qyzý talqylanyp jatyr. Áleýmettik jelilerde halyq qalalyq ákimdiktiń jazataıym oqıǵany aldyn alý sharalaryn qabyldaýy tıis edi degen pikirler qaldyrýda.
Búgin polısııanyń arnaıy tergeý toby Seýl qalalyq polısııa basqarmasy, Ensan polısııa bólimi jáne taǵy alty keńsede polısııanyń Ithevondaǵy adamdardyń ólimine ákelgen áreketsizdigin tergeý aıasynda reıd júrgizdi. Buǵan deıin Ulttyq polısııa basqarmasy qaıǵyly oqıǵadan 4 saǵat buryn Ithevonda adamdar tym kóp jınalyp jatqany týraly 11 jedel shaqyrtý túskenin, biraq esh áreket jasalmaǵanyn moıyndaǵan edi.
Eske salsaq, Seýlde Helloýın merekesin toılaý kezinde keminde 150-den astam adam qaza tapty, onyń 19-y sheteldik azamat.
