Kórkemdik keńes sheshimimen Armat Bektastyń jumysy kóp ishinen dara shaýyp, sýretshi Umai ulttyq syılyǵy músinshesiniń avtory atandy.
– Meniń shyǵarmashylyq qyzmetim negizinen rámizdermen jáne belgilermen baılanysty bolǵandyqtan, ónerdi pishin jaǵynan ulttyq jáne maǵynasy jaǵynan jalpy adamzattyq etýge tyrysamyn. Sondyqtan da men úshin osy jobaǵa qatysý óte qyzyqty boldy, – dep atap ótti sheber.
Avtordyń ózi atap ótkendeı, músinshe bul jaı ǵana kádesyı emes. Sol sebepti onda ulttyq pishindi joǵary ónermen biriktirý qajet boldy. Umai-dyń pishininen bir ýaqytta áıel beınesin, dástúrli qoldanbaly óner elementterine, kıiz úıdiń sýretine uqsas dúnıelerdi baıqaýǵa bolady. Tastarmen bederlengen jasyl plastınadan jasalǵan irgetasta latyn qarpinde jáne kóne túrki tilinde syılyqtyń ataýy jazylǵan.
Eske sala keteıik, óner salasyndaǵy «Umai» syılyǵy «Teatr óneri», «Horeografııalyq óner», «Mýzykalyq-oryndaýshylyq óner», «Beıneleý jáne sándik-qoldanbaly óner» sekildi atalymdarda bıyl alǵash ret taǵaıyndalyp otyr. Shyǵarmashylyq ujymdarǵa, jeke oryndaýshylarǵa, Qazaqstannyń óner qaıratkerlerine eleýli shyǵarmashylyq tabystary men úzdik kásibı jetistikteri úshin beriledi. Baıqaýǵa ótinimderdi qabyldaý 9 jeltoqsanǵa deıin jalǵasady, al jeńimpazdardy saltanatty marapattaý rásimi «Astana Opera» teatrynyń Úlken zalynda 2022 jyldyń 23 jeltoqsanynda ótedi dep josparlanýda.
