О́ńirlik yqpaldastyq – álemdik ekonomıkadaǵy mańyzdy trend

ASTANA. 27 mamyr. Qazirgi tańda óńirlik yqpaldastyq álemdik ekonomıkadaǵy mańyzdy trendterdiń birine aınaldy.  Bul týraly «Ekonomıkalyq zertteýler ınstıtýty» AQ prezıdenti Maqsat Muqanov BNews.kz tilshisine málimdedi. «Búginde óńirlik yqpaldastyq – álemdik ekonomıkadaǵy mańyzdy trendterdiń biri. Ol 2008-2009 jyldary jahandyq ekonomıkalyq daǵdarysqa jaýap boldy. Búgingi kúni óńirlik birlestikte mundaı 200 myńǵa jýyq uıym bar. Eń keń taralǵan formalar – bul erkin saýda aımaqtary, Keden odaǵy aımaǵy. Bulardyń arasynda meılinshe damyǵany - Eýropalyq odaq. Sondyqtan Qazaqstannyń óńirlik yqpaldastyqqa umtylýy álemdik trend bolyp tabylady. Bul Qazaqstan úshin asa mańyzdy, sebebi bizdiń aýmaǵymyz úlken emes, teńizge tikeleı shyǵar joldarymyz joq jáne ekonomıkalyq ósimniń negizgi álemdik ortalyqtarynan alshaq», - dedi M.Muqanov. Onyń paıymynsha, óńirlik yqpaldastyq básekege qabilettilikti arttyrýǵa, naryqty keńeıtýge jol ashypk beredi. «Qazaqstan naryǵy tym úlken emes, ol 17 mln. adamdy quraıdy. Sondaı-aq Qazaqstan halyqaralyq naryqtarǵa shyǵý úshin kórshiles memleketterge tranzıtti bolyp tabylatyn aımaqtarǵa ıe. Sondyqtan óńirlik yqpaldastyq – bul úlken trend. Búginde Qazaqstan eń iri ıntegrasııalyq birlestikterdiń qatysýshysy bolyp tabylady. Qazirgi kúni Biryńǵaı ekonomıkalyq keńistik anaǵurlym daıyndyǵy bar bolyp sanalady. Onyń qalyptastyrylýy Elbasynyń 20 jyl buryn Máskeý memlekettik ýnıversıtetinde jarııa etken Eýrazııalyq ıdeıasynan bastaý alady. Ol qazir iske asyrylý ústinde. Bul birlestikti qalyptastyrýdyń san alýan pishini boldy: EýrAzEQ ta, TMD da. Jáne 3 memleket anaǵurlym daıyn bolyp shyqty: Reseı, Belarýs jáne Qazaqstan. Búgin bul úrdis óziniń tájirıbelik qyryna ıe boldy», - degendi sarapshy. «Sońǵy eki jylda kóptegen kelisimderge qol qoıyldy. Bul eń aldymen, kapıtaldar, taýarlar, qyzmetter men eńbek resýrstarynyń erkin jyljýyna negiz salǵan BEK aıasyndaǵy 19 kelisim. Munda Qazaqstan úshin belgili bir artyqshylyqtar bar. Naryqtyń keńeıýi, búgingi kúni Qazaqstanda 17 mln. adam bar. Eger ekonomıkalyq turǵydan aıtar bolsaq, bul 1,7 trln. dollar. Sondyqtan bul ınvestorlar úshin qyzyqty bolady. Ekinshi jaǵynan, yqpaldastyq birlesken kooperasııalar: kóliktik, azyq-túliktik, energetıkalyq kooperasııalar úshin múmkindikter ashady. Barlyǵy úsh elge, bul ekonomıkalyq prosesterdiń qalaı ótetindigine baılanysty bolady. Bul Eýrazııa qurylyǵynda ósim núktesiniń jańa aımaǵyn qalyptastyrý. Kóptegen óńirler anaǵurlym myqty ekonomıkalyq birlikti qurý úshin birigýge umtylyp otyrǵanyn kórip otyrmyz. BEK – bul bútin óńirdiń ekonomıkalyq áleýetin arttyrýǵa baǵyttalǵan osyndaı jobalardyń biri», - dep túıindedi Maqsat Muqanov. Murat Aıtqoja. Derekkóz: BNews.kz. Foto: vlasti.net.