Eýrazııa odaǵy elderi qarjy naryǵy kelisimine jyl sońyna deıin qol qoıady

ASTANA. 27 mamyr. Eýrazııalyq ekonomıkalyq odaq elderiniń qarjy naryqtarynda qyzmetti júzege asyrý týraly kelisimge jyl sońyna deıin qol qoıylady. Bul týraly Eýrazııalyq ekonomıkalyq komıssııanyń ekonomıka jáne qarjy saıasaty jónindegi mınıstri Tımýr Súleımenov málimdedi. Astana Forum blog saıtynyń habarlaýynsha, ol qazir ishki rásimdeý jumystarynyń júrip jatqanyn aıtqan. «EAEO elderiniń qarjy naryqtarynda qyzmetti júzege asyrý týraly kelisimge 2014 jyldyń sońyna deıin qol qoıylady. Biz qarjy naryqtarynda qyzmetti júzege asyrýǵa qoıylatyn talaptar týraly kelisim jasap qoıdyq, ol ishki memlekettik rásimderden ótýde. Onymen qol qoıylǵannan keıin, 2015 jyldan bastap jumys isteı bastaımyz», - dedi Súleımenov. Onyń aıtýynsha, atalǵan kelisim 2022 jylǵa deıin qarjylyq retteýdiń ár túrli aspektilerin úılestirýdi kózdeıdi jáne ortaq qarjy naryǵyn qurýǵa baǵyttalǵan. Konferensııa barysynda EAEO elderi arasyndaǵy aqparat almasý týraly kelisim 2015 jylǵa qaraı kúshine enetini belgili boldy. Ol ákimshilik yntymaqtastyq úshin quqyqty negizdi qamtamasyz etpek. Murat Aıtqoja. Derekkóz: Astana Forum blog. Foto: horoshienovosti.info.