Sportshylardy Astana qalalyq Dene shynyqtyrý jáne sport basqarmasynyń ókilderi men jankúıerleri qushaq jaıa qarsy aldy.
Aıta ketsek, 28-29 qazan aralyǵynda Malaızııanyń Kýala-Lýmpýr qalasynda estetıkalyq toptyq gımnastıkadan Azııa chempıonaty ótti. Chempıonatta Qazaqstannyń Ánurany 5 ret shyrqaldy. 6 sanatty medal jıyntyǵynda elimizdiń 2 komandasy jeńimpazdar men júldegerler qatarynan kórindi.
Olardyń ishinde kelesi sportshylardyń eńbegin atap ótý qajet:
- 14-16 jas aralyǵyndaǵy jasóspirimder sanatyndaǵy Azııa chempıondary – Samuryq komandasy, Astana (Medına Ábdibaeva, Ińkár Baıronova, Aqbota Toqanova, Valerııa Lýkıanova, Mıkaella Oshaganova, Aızara Ábildınova, Adına Isabekova, Arýjan Shamshına, Darına Aqsholaqova, Ámına Tastanbek, Anar Muhamedqalıeva), jattyqtyrýshy-horeograf – Ásel Tastanbekova.
- 10-12 jas aralyǵyndaǵy balalar sanatyndaǵy Azııa chempıonatynyń kúmis júldegerleri – «Alan-Rıo» komandasy, Astana qalasy (Iаsmına Tastanbek, Daıana Dúısebaeva, Medına Isaǵalı, Kámıla Zamanbekova, Darıa Ostravenko, Jasmın Álimbaeva, Tomırıs Saǵadat, Aıaýlym Ahmetqalı, Arýna Mekebaeva, Adııa Rahımova, Latıfa Pshenova, Ásııa Eldar), jattyqtyrýshy-horeograf – Ásel Tastanbekova.
- 12-14 jas aralyǵyndaǵy balalar sanatyndaǵy Azııa chempıonatynyń qola júldegerleri Alan-Tomırıs, Astana qalasy (Arýjan Qaıyrjanova, Alýa Isaeva, Dilnaz Sadyqova, Injý Ermuratova, Janys Saǵıdýlla, Mádına Abdrahmanova, Aıshahanym Aqan, Saıda Bıjanova, Dana Temirbolat), jattyqtyrýshylar – Zarına Davletıarova jáne horeograf Aıaýlym Altaıbekqyzy.
Sonymen qatar «Alan-Rıo» komandasy Malaızııadaǵy MAGGA CUP halyqaralyq týrnırinde qola júldege ıe bolǵan.
«Malaızııadaǵy Azııa chempıonatynda básekelestik óte joǵary boldy. Ońtústik Koreıa, Úndistan, Japonııa, Malaızııa komandalarymen baq synastyq. 10-12 jas aralyǵyndaǵy balalar sanatynda 2-orynǵa ıe boldyq. Jattyqtyrýshylaryma alǵysymdy bildiremin», dep atap ótti «Alan-Rıo» komandasynyń múshesi Tomırıs Saǵadat.
