«Arselor Mıttal Temirtaý» kelesi jylǵa áli ruqsat alǵan joq. Eger olar bizdiń talaptarymyzben kelispese, olar kelesi jylǵa ekologııalyq ruqsat ala almaıdy. Kompanııanyń ózi ekologııa máselelerine kóp kóńil bóledi. Biz olarǵa kelesi jylǵa ekologııalyq ruqsat alý úshin belgili bir talaptar qoıamyz. Bul talaptardyń eń mańyzdysy - shyǵaryndylardy azaıtý», dedi Serikqalı Brekeshev elorda turǵyndarymen kezdesýde.
Ekologııalyq retteý jáne baqylaý komıtetiniń tóraǵasy Zýlfıhar Joldasov atalǵan kompanııaǵa sońǵy úsh jylda ekologııalyq talaptardy saqtamaǵany úshin 3 mlrd teńgeden astam aıyppul salynǵanyn habarlady.
«Bıyl kompanııany tekseristen ótkizdik. Qazir biz 1 mlrd teńgeden astam somaǵa aıyppul daıyndap jatyrmyz. Biz qaldyqtardyń shyǵaryndylarmen baılanysty kóptegen sáıkessizdikterin taptyq. Bul úlken másele. Sońǵy tekserý derekteri boıynsha, 3 jyl ishinde kompanııaǵa 3 mlrd teńge kóleminde aıyppul salynǵan», dedi komıtet basshysy.
