Jumysshylarmen kezdesýde kandıdat óziniń saılaýaldy baǵdarlamasynyń maqsat-múddelerine toqtaldy. Atap aıtqanda, otbasynyń qarjylyq jaǵdaıyna qaramastan oqýshynyń nemese stýdenttiń mártebesin kóterip, bilim berý sapasyn arttyrýdyń mańyzdylyǵyn atap ótti.
«Men aýyldan qalaǵa deıingi barlyq deńgeıde qoljetimdi jáne sapaly bilim berýdi qoldaımyn. Balalar tek elıtalyq mektepter men ýnıversıtetterde ǵana emes, kez kelgen bilim ordasynda sapaly ári jan-jaqty bilim alýy kerek. Bul baǵytty bızneske aınaldyrýǵa bolmaıdy. О́ıtkeni bilim tulǵa qalyptastyrady. Al bıznesten qandaı tulǵalar shyǵýy múmkin?», dedi M.Qajyken.
Sondaı-aq jıynda aýyl sharýashylyǵyn, medısınany, kásipkerlikti, áleýmettik salany damytý taqyrybynda da pikir almasýlar boldy.
«О́skemen SES AES» JShS-na barǵan Meıram Qajyken stansa qyzmetkerleriniń suraqtaryna jaýap berdi. Jumysshylar GES sııaqty iri nysandardy jeke ınvestorlarǵa berýge qalaı qaraıtynyn surady. «Bul jaıly áńgimeni naqty kesip aıtý qıyn. Men nysandardyń sheteldik ınvestorlardyń qolynda bolǵanyn qalamaıtynymdy anyq aıta alamyn. Biraq memlekettiń qolynda bolý da eń jaqsy sheshim emes. О́ıtkeni bul jerde kóp másele men kedergiler, bıýrokratııa paıda bolady», dep bul suraqqa qatysty óz oıyn ashyq bildirdi.
